TOShKENT, 5 noya — Sputnik. Respublikachilar partiyasidan AQSh prezidentligiga nomzod Donald Tramp agarda prezident etib saylanadigan bo‘lsa, boshqa davlatlarning ichki ishlariga aralashmaslikka va ularning tuzumini ag‘darmaslikka va’da berdi, deb xabar bermoqda RIA Novosti.
"Biz harbiy kuchdan faqatgina AQSh milliy xavfsizligi uchun o‘ta muhim bo‘lgan holatlarda foydalanamiz.Biz AQShdan tashqarida demokratiya qurish va tuzumlarni ag‘darishni bas qilamiz hamda aralashishga hech qanday haqqimiz yo‘q bo‘lgan holatlarga aralashmaymiz", — dedi u Shimoliy Karolinadagi tarafdorlari bilan uchrashuvda.
AQSh prezidentligiga saylovlar 8-noyabr kuni bo‘lib o‘tadi. Trampga saylovlarda demokrat Xillari Klinton raqobatchilik qiladi.
