TOShKENT, 17 noya — Sputnik. O‘zbekiston Tashqi ishlar vaziri Abdulaziz Kamilov Tojikiston Energetika va suv resurslari vazirining birinchi o‘rinbosari Sulton Rahimzodani qabul qildi, deb xabar bermoqda O‘zbekiston TIV matbuot xizmati.
Muloqot davomida Markaziy Osiyo mintaqasida suv-energetika resurslaridan oqilona foydalanish masalalari borasida o‘zbek-tojik munosabatlari yuzasidan fikr almashildi.
Eslatib o‘tamiz, noyabr boshida Tojikiston Vaxsh darosi o‘zanini burish uchun to‘g‘on qurishni boshladi. Rog‘un GESi qurilishi boshlanishi munosabati bilan daryo o‘zanini burishga to‘g‘ri keldi.
Dushanbening fikricha, mazkur GES qurilishi mamlakatdagi elektr muammosini hal qiladi. Biroq Rog‘un GESining qurilishi gidrolog va seysmolog mutaxassislarning xavotiriga sabab bo‘lmoqda.
