TOShKENT, 13 yanv — Sputnik. To‘rt yoki besh yildan so‘ng jahondagi vaziyat o‘zining qaynoq nuqtasiga yetadi. Yangi qurollandan mojarolar o‘choqlari paydo bo‘ladi. Moskva shahrida istiqomat qiluvchi taniqli ekstrasens Ziraddin Rzayev Sputnik Ozarbayjonga bergan intervyusida ana shunday qayg‘uli xabarlar bilan bo‘lishgan.
— 2016 yilning 27-dekabr kuni men Buyuk Britaniya osmoni uzra qora bulutlar paydo bo‘lishini bashorat qildim. Ammo mening bu gaplarim faqat 1-yanvar kuni e’lon qilindi. Buyuk Britaniya qirolichasi Yelizaveta II tez orada olamdan o‘tishi haqida gapirish menga juda noqulay edi. Angliyada uch kunlik motam e’lon qilinadi. Ammo men "7" va "8" raqamlarini ham ko‘rdim. Bu raqamlar nima ma’noni anglatishini hozircha bilmayapman. Men tush ko‘rdim.
Ovoz meni bu haqda oldindan gapirmaslik kerakligi haqida ogohlantirdi. Ammo men bu haqda hammaga aytish kerak, degan qarorga keldim. Osmon uzra suzib yurgan qora bulutlarni tushda ko‘rishlik — yaxshi emasligini hatto ahmoqlar ham biladi.
- Donald Tramp AQShni boshqaradigan davrda ishlar qanday kechadi?
— Tramp hukmronligi vaqtida dunyoda jiddiy inqirozlar yuz berishi kutilmaydi. Ammo keyin vaziyat murakkablashadi. Tramp — hozir siz ko‘rib turgan odam emas. Bir qarashdan, u saxiy, Rossiyani qo‘llab-quvvatlaydigandek, tinchlik tarafdori bo‘lgan insondek taassurot uyg‘otadi. Haqiqatda esa uning hukmronligi davrida dunyoga harbiy kuch yordamida ta’sir o‘tkazishning yangi rejalarini ishlab chiqarish uchun qo‘yishgan. Jahon siyosatini yaratadigan kuchlar Trampni saylab qo‘ygan. Ammo ularning rejalari tugab qolgan. Endi navbat Rossiyaga chegaradosh davlatlarga keldi. Ukraina ssenariysi Moldova, Qozog‘iston, O‘zbekistonda takrorlanishi mumkin. Va ular hozirda buning ustida faol ish olib borishmoqda. Yaqin 3-4 yil ichida ular yangi ssenariyni tayyorlaydilar.
- Ayting-chi, dunyodagi eng osuda orolcha qayerda joylashgan?
— Eng tinch joymi?
- Ha.
— Bunday joy mavjud emas. Agar shunday joy bo‘lganida, men u yerda yashayotgan bo‘lardim. Qiyomat yaqin, shu bois hech qayerda tinchlik bo‘lmaydi.
- Suriyadagi urush tugadi, deb ayta olasizmi?
— Suriya qon ichida qoladi. Yaqin yillar ichida u yerda tinchlik bo‘lmaydi.
- Turkiya prezidenti Erdo‘g‘on Fatxulla Gulenni hibsga olishga muyassar bo‘ladimi?
— Erdo‘g‘on Gulenni hibsga ololmaydi. U o‘z ajali bilan o‘ladi. Gulen yoki insult yoki infarktni boshdan kechiradi. Bu kutilmaganda ro‘y beradi. Men uning qon tomirlarida muammo ko‘rapman.
- Yaqin yillar ichida yangi, jahon siyosatida muhim rol o‘ynaydigan siyosatchi paydo bo‘ladimi?
— To‘rt-besh yil davomida — yo‘q. Biz hozir ko‘rib turgan shaxslar o‘z reytingini saqlab turadilar. Shu bois, Vladimir Putin singari jiddiy o‘yinchilar yaqin o‘rtada paydo bo‘lmaydi.
