Jamiyat

Oʻzbekiston prezidenti Moliya vazirligini ayab oʻtirmadi

© Press-slujba prezidenta RUzShavkat Mirziyoyev
Shavkat Mirziyoyev - Sputnik Oʻzbekiston
Obuna boʻlish
NovostiTelegram
Shavkat Mirziyoyev majlis ishtirokchilariga murojaat qilib, ularga muhim va ogʻriqli savollar bilan yuzlandi

TOSHKENT, 16 yanv — Sputnik. Shavkat Mirziyoyev 14 yanvar kuni boʻlib oʻtgan Vazirlar Mahkamasining majlisida Moliya vazirligi faoliyatini qattiq tanqid ostiga oldi, deb xabar beradi nuz.uz.

Vazirlar Mahkamasining Oʻzbekistonni 2016 yildagi ijtimoiy-iqtisodiy rivojlantirish yakunlarini har tomonlama tahlil qilish hamda respublika hukumatining 2017 yil uchun iqtisodiy va ijtimoiy dasturi eng muhim yoʻnalishlari va ustuvor vazifalarini belgilashga bagʻishlangan kengaytirilgan majlisida Oʻzbekiston prezidenti majlis ishtirokchilariga murojaat qilib, ularga muhim va ogʻriqli savollar bilan yuzlandi.

"Ushbu masalalar qay darajada samaradorlik bilan hal etilmoqda? Nima sababdan moliya vazirining Nizomi 1992 yilda tasdiqlangan boʻlsa-da, 25 yildan beri asosiy vazifa va funktsiyalar tubdan qayta koʻrib chiqilmagan? Axir islohotlar vazirlik va uning rahbariyatiga taalluqli emasmi? Nima sababdan oʻziga yuklatilgan eng muhim vazifalarni samarali bajarish, iqtisodiyot va ijtimoiy sohaning moliyaviy barqarorligini mustahkamlashni taʼminlamayapti? Axir vazirlik tarkibida 16 mingdan ortiq xodim ishlaydi. 16 ming! Haddan tashqari kengayib ketgan markaziy apparat, hududiy organlar, gʻaznachilik, nazorat-taftish boshqarmasi, pensiya jamgʻarmasi va yana 4ta maxsus jamgʻarma mavjud. Ularni saqlash uchun byudjetdan har yili 350 milliard soʻm xarajat qilinadi", dedi Shavkat Mirziyoyev.

Shavkat Mirziyoyev - Sputnik Oʻzbekiston
Iqtisod
Mirziyoyev: 2016 yilda Oʻzbekiston YAIMi 7,8 % ga oʻsdi

Davlat rahbari debitor qarzdorlik muammosiga ham toʻxtalib oʻtdi.

Mirziyovning soʻzlariga koʻra, "Dasturlar va loyihalar boʻyicha qabul qilingan ayrim qarorlar yo umuman real moliyalashtirish manbalari bilan taʼminlanmagan, yoki qoldiq printsipi boʻyicha moliyalashtiriladi hamda toʻlov intizomi mana shu sababdan oqsamoqda. Jami 18 trillion soʻmlik debitor qarzdorlikdan 11 trillion soʻm yoki 60 foizi oxirgi uch yil mobaynida choʻzilib kelinyapti".

Prezident ushbu muammo bilan muddati oʻtgan qarzdorlikni qisqartirish komissiyasi boshchilik qiladigan moliya vaziri va Markaziy bank raisi jiddiy shugʻullanmayotganiga nisbatan keskin munosabat bildirdi.

Keyingi paytda xalq murojaatlarida koʻp tilga olinayotgan plastik kartalar muammosi ham Shavkat Mirziyoyev eʼtiboridan chetda qolmadi.

"Nima sababdan plastik kartochkalarni muomalaga kiritishdan ilgari barcha mexanizmlar puxta ishlab chiqilmagan? Nima uchun koʻplab tashkilotlar, eng avvalo, byudjet tashkilotlar xodimlari — oʻqituvchilar, shifokorlar, xizmatchilar va hatto nafaqaxoʻrlar ayrim amaldorlarning "yangiliklari"dan qiynalishlari kerak?", dedi prezident.

Yangiliklar lentasi
0