TOShKENT, 26 yanv — Sputnik. O‘zbekiston davlat organlari bugungi kunda aholiga ko‘rsatayotgan elektron xizmatlar sifatiga baho beriladi, deb xabar qilmoqda "Darakchi" nashri.
Elektron xizmatlar sifati Vazirlar Mahkamasining 2016-yil 20-oktabrda e’lon qilingan "Elektron xizmatlar ko‘rsatish sifatini baholash to‘g‘risidagi" qaroriga binoan baholanadi.
Xizmatlarni baholash uchun 100 ballik tizimdan foydalanilgan. Ballar to‘qqiz ko‘rsatkichga qarab belgilanadi. Eng ko‘p ball — 30 bo‘lib, u murojaat qiluvchilarning ko‘rsatilgan elektron xizmatdan qanchalik qoniqqaniga qarab beriladi. Xizmat belgilangan muddat ichida ko‘rsatilganda — 20 ball, optimizatsiya qilingan elektron xizmatlar ko‘rsatilganda — 13 ball beriladi.
Shunday qilib, murojaat qiluvchilarning ko‘rsatilgan xizmatlar haqidagi fikrini inobatga olmaydigan tashkilotlar ko‘p ball yo‘qotadi. Baholash jarayoni va natijalari Vazirlar Mahkamasi tomonidan nazorat qilib turiladi.
