Jamiyat

Komiljon Otaniyozovga haykal oʻrnatiladi

© records.suPoyot Komiljon Otaniyozov
Poyot Komiljon Otaniyozov - Sputnik Oʻzbekiston
Xorazmda Komiljon Otaniyozov nomli zamonaviy ijod markazi yaratish rejalashtirilgan. Ushbu markazda qobiliyatli yoshlar adabiyot, kino va fotografiya sanʼati sirlarini oʻrganish bilan shugʻullanadi.

TOSHKENT, 29 yanv – Sputnik. Bu yil Oʻzbekiston xalq artisti Komiljon Otaniyozovning 100 yillik yubileyi nishonlanadi. Ushbu tashabbus Oʻzbekiston prezidenti Shavkat Mirziyoyevning Xorazm viloyatiga uyushtirgan safari davomida kiritildi, podrobno.uz xabariga asosan.

Ushbu tadbir doirasida Komiljon Otaniyozov nomi bilan atalgan zamonaviy ijod markazi yaratish va markaz hududida hofiz haykali oʻrnatilishi rejaashtirilgan. Ijod markazida qobiliyatli yoshlar adabiyot, kino va fotografiya sanʼati sirlarini oʻrganish bilan shugʻullanadi.

Xorazmlik shoir Omon Matjon Komiljon Otaniyozovning Oʻzbekiston qoʻshiqchilik sanʼatiga qoʻshgan hissasini Alisher Navoiyning oʻzbek adabiyotida tutgan oʻrni bilan tenglashtirgan edi. Lekin dunyodagi koʻplab muxlislari uchun Komiljon Otaniyozovning ijodi bilan tenglashtiradigan narsaning oʻzi yoʻq boʻlsa kerak.

Hammaga maʼlumki, hofiz ijodi birovga yoqishi yoki yoqmasligi  mumkin. Hammaning didi har xil. Lekin Komiljon Otaniyozovning "Hay omona, omon", “Barigal” yoki "Lazgi"sini eshitgan hech bir kishi befarq qolmagan. Shuningdek hofiz ovoz kuchaytiruvchi apparatura buzilib qolganda oʻz ovozida katta kontsertlar olib borgani ham maʼlum.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala