Jamiyat

Fargʻonalik olimlar yaratgan mikroGESdan koʻchalarni yoritishda foydalanilyapti

© Sputnik / Igor Ageyenko / Fotobankka oʻtishGES
GES - Sputnik Oʻzbekiston
Tadqiqot jarayonida 6 ta ustun-transheyadagi koʻcha yoritish chiroqlari shahar elektr tarmoqlaridan uzib qoʻyilib, qurilma yordamida yoritib kuzatildi

TOSHKENT, 22 fev — Sputnik. Fargʻona shahri hududidan oqib oʻtadigan Margʻilonsoyga Fargʻona politexnika instituti olimlari tomonidan yaratilgan mikroGES oʻrnatildi. Mazkur ixtiro Oʻzbekistonda ilk bor yaratilgan oddiy suv generatori sanaladi, deb xabar bermoqda uz24.uz.

Xabarda aytilishicha, tadqiqot jarayonida 6 ta ustun-transheyadagi koʻcha yoritish chiroqlari shahar elektr tarmoqlaridan uzib qoʻyilib, qurilma yordamida yoritib kuzatildi. Natijada soatiga 3 kilovatt elektr energiyasi ishlab chiqaradigan generator elektr energiyasining uzluksizligini taʼminlashi aniqlandi.

Mutaxassislar suv generatorini endilikda viloyatdagi boshqa suv havzalarida ham sinab koʻrishmoqchi. Izlanishlar davomida charxpalak qurilmasi yordamida 50 kilovatt elektr energiyasi ishlab chiqarish mumkinligi aniqlandi.

Shu kunlarda qurilmaning ishlash imkoniyatini kengaytirish ustida ish olib borilmoqda. Uskunaning gidroturbinalari metalldan yasalgan. Uning maxsus choʻmichlari kinetik energiyani mexanik energiyaga aylantirib beradi. Aylanma oʻz navbatida elektr energiyasi ishlab chiqaradi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala