TOShKENT, 28 mar — Sputnik. O‘zbekiston va Ozarbayjon temir yo‘l kompaniyalari hamkorlikni kengaytirish haqida protokol imzoladi. Bu haqda "Ozarbayjon temir yo‘llari" YoAJ matbuot xizmati xabar berdi.
27 mart kuni O‘zbekiston Oliy Majlisi Senati raisining birinchi o‘rinbosari Sodiq Safoyev rahbarligidagi delegatsiya "Ozarbayjon temir yo‘llari" YoAJ rahbariyati bilan muzokaralar o‘tkazdi.
"Ozarbayjon temir yo‘llari" raisi Javid Qurbonov O‘zbekiston delegatsiyasini mamlakat temir yo‘llar sohasidagi islohotlar, mamlakatning tranzit salohiyatini oshirish bo‘yicha ishlar va kelgusidagi rejalar bilan tanishtirdi.
Tomonlar «Ozarbayjon temir yo‘llari» YoAJ va «O‘zbekiston temir yo‘llari» AJ o‘rtasidagi ikki tomonlama hamkorlik masalalarini muhokama qildi.
Muzokaralar yakunida O‘zbekiston va Ozarbayjon temir yo‘l kompaniyalari hamkorlikni kengaytirish haqida protokol imzolandi.
