TOShKENT, 30 mar — Sputnik. Eron Mudofaa vaziri Husayn Dexgan AQShga Fors qo‘ltig‘ini tark etishni va boshqa davlatlar jig‘iga tegishni bas qilishni maslahat berdi. RIA Novosti xabari asosida.
"Axir o‘zingiz o‘ylang, qurollangan bosqinchi kimningdir uyiga kirib, qizil poyondoz yozishlarini kutishi aqlga sig‘adigan narsami? Bu zamonaviy dunyoning yovvoyiliklaridan biri", — degan vazir.
AQSh va Eron munosabatlari hukumat tepasiga Donald Tramp kelganidan so‘ng ancha ziddiylashgan. Amerikaning yangi prezidenti yaqin sharqdagi ushbu mamlakatga undan oldingi prezident Barak Obama singari saxiy munosabatda bo‘lmasligini ma’lum qilgan. Oq uyning yangi rahbari Tehron bilan 2015-yilda xalqaro vositachilar yordamida erishilgan yadroviy bitimga tanqidiy munosabatdaligini yashirmayapti.
Hujjatga ko‘ra, BMT Xavfsizlik kengashi tinchlik xarakteridagi yadroviy dastur evaziga Erondan iqtisodiy va moliyaviy sanksiyalarni bekor qilishi aytilgan.
