Hodisalar

Tojikistonda "Islom davlati" urush ishlari vazirining oʻgʻli hibsga olindi

© FSB RF / Mediabankka oʻtishZaderjaniye prestupnika
Zaderjaniye prestupnika - Sputnik Oʻzbekiston
Obuna boʻlish
NovostiTelegram
Sobiq OMON komandiri Gulmurod Halimovning 18 yoshli oʻgʻli Behruz Halimov Dushanbe-Moskva samolyotidan olib tushib ketilgan

TOSHKENT, 11 may — Sputnik. Tojikiston IIV xodimlari sobiq OMON komandiri Gulmurod Halimovning oʻgʻlini hibsga oldi, deb xabar bermoqda Sputnik Tojikiston.

18 yoshli Behruz Halimov Dushanbe-Moskva samolyotidan maxsus militsiya otryadi (OMON) xodimlari tomonidan olib tushib ketilgan.

Behruz Halimov oʻtgan yili maktabni bitirgani va Varzob tumanidagi Darai Fon qishlogʻida mayda savdogarlik bilan shugʻullangani aytilmoqda.

Flag radikalnoy islamistskoy organizatsii IGIL - Sputnik Oʻzbekiston
Dunyoda
OAV: "Islom davlati"ning urush ishlari vaziri - sobiq tojik polkovnigi halok boʻldi

Ayrim maʼlumotlarga qaraganda, u "Islom davlati" terrorchilik tashkiloti safida jang qilgan otasi bilan aloqada boʻlib turgan.

Manbaning maʼlum qilishicha, Behruz Halimov Moskva orqali Iroq yoki Suriyaga ketishni moʻljallagan. Tojikiston maxsus xizmatlari ushbu maʼlumotni tekshirmoqda.

Eslatib oʻtamiz, 15 aprel kuni The Times nashri Iroqning Mosul shahrida "Islom davlati" terrorchilik tashkilotiga qoʻshilib ketgan Tojikiston IIV OMON komandiri Gulmurod Halimov oʻldirilgani haqida xabar qilgandi.

Ammo uning halok boʻlgani rasman tasdiqlanmagan va Halimov hozirda ham Interpol tomonidan qidiruvda boʻlgan shaxslar roʻyxatida turibdi.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0