Jamiyat

Abdulaziz Kamilov Yevroparlament delegatsiyasini qabul qildi

© AFP / YASSER AL-ZAYYATMinistr inostrannыx del Uzbekistana Abdulaziz Kamilov
Ministr inostrannыx del Uzbekistana Abdulaziz Kamilov - Sputnik Oʻzbekiston
Obuna boʻlish
NovostiTelegram
Yevropa deputatlari tashrifi dasturidan Oʻzbekiston Respublikasi Oliy Majlisi palatalari, vazirlik va idoralar hamda fuqarolik jamiyati vakillari bilan uchrashuv va muzokaralar oʻrin olgan

TOSHKENT, 23 may — Sputnik. Bugun Oʻzbekiston Respublikasi tashqi ishlar vaziri Abdulaziz Kamilov Oʻzbekistonga tashrif buyurgan Yevropa parlamentining Inson huquqlari boʻyicha kichik qoʻmitasi delegatsiyasini qabul qildi. Bu haqda Oʻzbekiston TIV matbuot xizmati xabar bermoqda.

Delegatsiya tarkibidan deputatlar Yozef Vaydenholzer (Avstriya), Klaus Buxner va Yoaxim Zeller (Germaniya) oʻrin olgan.

Yevropa deputatlari tashrifi dasturidan Oʻzbekiston Respublikasi Oliy Majlisi palatalari, vazirlik va idoralar hamda fuqarolik jamiyati vakillari bilan uchrashuv va muzokaralar oʻrin olgan.

Flagi Yevropeyskogo Soyuza - Sputnik Oʻzbekiston
Jamiyat
Yevropa Ittifoqi Oʻzbekistonga 21,5 million yevro ajratmoqda

TIVda boʻlib oʻtgan suhbat davomida Yevroparlamentning Inson huquqlari boʻyicha kichik qoʻmitasi kun tartibiga kiruvchi sohalarda Oʻzbekiston va Yevropa Ittifoqi oʻrtasidagi ikki tomonlama munosabatlarning hozirgi holati va istiqbollari muhokama qilindi.

Deputatlar iltimosiga binoan 2017-2021 yillarda Oʻzbekistonni rivojlantirishning beshta ustuvor yoʻnalishi boʻyicha Harakatlar strategiyasini amalga oshirish doirasida olib borilayotgan keng koʻlamli islohotlar toʻgʻrisida Yevropa tomoniga maʼlumot berildi.

Demokratik huquqiy davlat qurish va kuchli fuqarolik jamiyatini shakllantirishga qaratilgan izchil harakatlar islohotlarning ajralmas qismi hisoblanishi taʼkidlandi.

Uchrashuvda tomonlarni qiziqtirgan boshqa masalalar ham koʻrib chiqildi.

Suhbatda Yevropa Ittifoqining Oʻzbekistondagi delegatsiyasi boshligʻi, elchi Eduards Striprays ishtirok etdi.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0