TOShKENT, 6-iyun — Sputnik. 2017-yilning 5-iyun kuni O‘zbekiston Respublikasi Tashqi ishlar vazirligida Qirg‘iziston Respublikasining Favqulodda va Muxtor Elchisi Daniyar Sidikov bilan uchrashuv bo‘lib o‘tdi, deb xabar qildi "Jahon" AA.
"Suhbat chog‘ida 2017-yil 21-26-may kunlari Qirg‘izistonning Jalol-Obod shahrida bo‘lib o‘tgan O‘zbekiston Respublikasi va Qirg‘iziston Respublikasi Hukumat delegatsiyalarining O‘zbekiston-Qirg‘iziston Davlat chegarasini delimitatsiya va demarkatsiya qilish bo‘yicha ishchi guruhlari uchrashuvi yakunlari yuzasidan fikr almashildi", — deyiladi xabarda.
Xabarda qayd etilishicha navbatdagi uchrashuvni Andijon shahrida samarali o‘tkazish masalalari muhokama qilingan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
