TOShKENT, 22-iyul — Sputnik. O‘zbekistonda tez orada Bars brendi ostida avtomobil shinalari ishlab chiqarish yo‘lga qo‘yiladi. Angrenda yiliga 3 million dona avtoshina ishlab chiqarish rejalashtirilmoqda, deb yozadi Podrobno.uz.
Bars avtoshinalari GM Uzbekistan qo‘shma korxonasiga yetkazib beriladi. Ichki bozorni ta’minlashdan tashqari, yiliga 60 mln dollarlik mahsulot eksport qilinishi mo‘ljallanmoqda.
Ayni paytda zavodda qurilish-montaj ishlari olib borilmoqda. Shu yilning 1-sentabr kuni korxonada dastlabki mahsulot ishlab chiqarilishi va xalqaro muvofiqlik sertifikati olish uchun sinovdan o‘tkazilishi kutilmoqda.
