TOShKENT, 29-iyul — Sputnik. Markaziy razvedka boshqarmasi uchun so‘roq paytida shafqatsiz qiynoqlarni qo‘llash bo‘yicha yo‘riqnoma tuzgan ikki psixolog ishi huquqni himoya qiluvchilar da’vosiga ko‘ra sudda ko‘rib chiqiladi. Bu haqda Assoshieyted Pressga asoslanib RIA Novosti xabar bermoqda. Vashington sudi ushbu ish 5-sentabr kuni ko‘rib chiqilishini belgiladi.
Amerika fuqaro erkinliklari ittifoqi (ACLU) o‘z da’vosida MRB uchun so‘roq qilish uslubini yaratish orqali 80 million dollardan ortiq pul ishlagan psixologlar Jeyms Mitchell va Brus Jessen javobgarlikka tortilishini talab qilmoqda.
Da’vo kaltaklangan, uxlashiga yo‘l qo‘yilmagan, ustidan muzday suv quyilgan, bir necha kun davomida quti ichida qo‘lini yuqoriga ko‘tarib turishga majbur qilingan uch nafar sobiq mahbus nomidan berilgan.
