Jamiyat

Bangladesh TIV rahbarining Oʻzbekistonga tashrifi suv toshqinlari sababli qoldirildi

© REUTERS / Mohammad Ponir HossainNavodneniye v Bangladeshe
Navodneniye v Bangladeshe - Sputnik Oʻzbekiston
Bangladesh tashqi ishlar vazirining Oʻzbekistonga rasmiy tashrifi nomaʼlum muddatga qoldirildi

TOSHKENT, 17 avgust — Sputnik. Bangladesh TIV rahbari Shahriyar Alam boshchiligidagi delegatsiyaning Oʻzbekistonga tashrifi mamlakatda yuz bergan toshqinlar sababli qoldirildi.

Alam respublikaga ertaga tashrif buyurishi belgilangandi.

"Oʻzaro kelishuvga koʻra Bangladesh Xalq Respublikasi tashqi ishlar boʻyicha davlat vaziri Shahriyar Alam boshchiligidagi delegatsiyaning 2017 yil 18 avgustga belgilangan Oʻzbekistonga tashrifi keyinroq muddatga qoldirildi. Tashrifning aniq sanasi diplomatik kanallar orqali aniqlanadi", — deyiladi Oʻzbekiston TIV matbuot xizmati xabarida.

Bangladesh delegatsiyasi Oliy Majlis Senati, Tashqi ishlar va Tashqi savdo vazirliklari, Savdo-sanoat palatasida muzokaralar oʻtkazishi lozim edi.

Shuningdek, Alamning Buxoro, Samarqand va Toshkentning diqqatga sazovor joylari bilan tanishishi koʻzda tutilgandi.

Hozirda Bangladeshda kuchli jala yuz berishi oqibatida suv toshqinlari sodir boʻldi. OAV xabariga koʻra, tabiiy ofat oqibatida kamida 27 kishi qurbon boʻlgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala