TOShKENT, 18-avgust — Sputnik. Bugun O‘zbekiston prezidenti Shavkat Mirziyoyev Toshkent viloyatining Bekobod tumaniga tashrif buyuradi. Bu haqda uzbekistan24.uz xabar bermoqda.
Xabarda aytilishicha, tashrif davomida tumanda amalga oshirilayotgan bunyodkorlik ishlari, ijtimoiy-iqtisodiy loyihalar ijrosi va boshqa turli tashkilotlar faoliyati bilan tanishish rejalashtirilgan.
Eslatib o‘tamiz, prezident o‘tgan haftada Olmaliq shahrida bo‘lgan, shaharda ijtimoiy-iqtisodiy islohotlarning borishi va bunyodkorlik ishlari bilan tanishgan hamda xalq bilan muloqot qilgandi.
