"Sharq taronalari" bosh sovrini Ozarbayjonga nasib etdi

TAShKENT, 30 avg — Sputnik. “Sharq taronalari” xalqaro musiqa festivalining bosh sovrini (gran-pri) Ozarbayjonlik musiqachilar Sohib Pashazada va Kamran Karimovga munosib bo‘ldi, deb xabar qilmoqda Sputnik muxbiri.

Kecha 30-avgust kuni Samarqanddagi Registon maydonida “Sharq taronalari” festivali ishtirokchilari ijrosida gala-konsert bo‘lib o‘tdi. Undan festivalning yakuniy natijalari e’lon qilindi.

Zakritie festivalya "Shark Taronolari"

Uchinchi o‘rin va 3 ming dollardan pul mukofoti Eronning – Naghah musiqachilar jamoasi va Indoneziyaning — INO Ensamble hamda Turkiyaning — Meshk Ensemble jamoalariga nasib bo‘ldi. Ikkinchi o‘rinni ham ikki jamoa Qirg‘izistonlik "Muras" ansambli va Litvaning Sauges dueti egallardi. Ularga 5 ming dollardan mukofot puli berildi.

Prizeri XI festivalya "Shark taronalari" ansambl "Muras" iz Kirgizstana

Ikkita birinchi o‘rin esa va 7 ming dollardan mukofot puli Janubiy Koreyaning Goseong Folk-song Preservation Foundation guruhi va O‘zbekistonning Mohichehra ansambliga nasib bo‘ldi.

Zakritie festivalya "Shark Taronolari"

Bosh sovrin — Gran-pri esa ozarbayjonlik musiqachilar Sohib Pashazada va Kamran Karimovga berildi.

“Men tanlovda Gran-pri sohibi bo‘lganimizdan judayam xursandman. Samarqandda sahnaga chiqish – mening bolalik orzuim edi. Aslida bu yerga shuning uchun kelgan edim”, – dedi Sohib Pashazade.

Eslatib o‘tamiz, “Sharq taronalari” Xalqaro musiqa festivali Samarqandda 25-30 avgust kunlari bo‘lib o‘tdi. 2017-yilgi “Sharq taronalari” festivalivalida dunyoning 59 mamlakatidan 240dan ortiq ishirokchilar kelishgan. Ushbu festival an’anasi 1997-yilda O‘zbekiston Birinchi prezidenti Islom Karimov tashabbusi bilan boshlangan edi. Festivalning maqsadi – milliy musiqa san’atini saqlab qolish va ommaviylashtirishdir.