Jamiyat

Toshkentda YEXHT vakili OAV erkinligi masalasi boʻyicha nutq soʻzlaydi

© BERTRAND GUAY / AFPArlem Dezir
Arlem Dezir - Sputnik Oʻzbekiston
Obuna boʻlish
Yandex newsTelegram
YEXHT vakili Arlem Dezir 19-chi mintaqaviy "Markaziy Osiyoda ochiq jurnalistika" mavzusida OAV matbuot anjumanini ochib beradi

TOSHKENT, 16 okt — Sputnik. Yevropada xavfsizlik va hamkorlik tashkiloti (YEXHT) OAVlar erkinligi boʻyicha vakili Arlem Dezir 17-19 oktyabr kunlari Toshkentga keladi, deb xabar qildi YEXHT matbuot xizmati.

Dezir 19-chi mintaqaviy Markaziy Osiyo "Markaziy Osiyoda ochiq jurnalistika" mavzusida OAV matbuot anjumanini ochadi. Ushbu matbuot anjumani har yili oʻtkazilib, soʻz erkinligi va Markaziy Osiyoda OAV erkinligi boʻyicha YEXHTning majburiyatlarini bajarishga koʻmaklashish maqsadida oʻtkaziladi.

YEXHTning vakili Oʻzbekistonda OAV erkinligi masalalarini muhokama qilish maqsadida yuqori darajadagi mansabdor shaxslar, fuqarolik jamiyat va ommaviy axborot vositalari vakillari bilan uchrashuv oʻtkazadi.

Ikki kun davom etadigan tadbirda 100 dan ortiq qatnashchilar, shular ichida jurnalistlar, hukumat vakillari, Qozogʻiston, Qirgʻiziston, Tojikiston, Oʻzbekiston, Turkmaniston, Mongoliya davlatlarining fuqarolik va ilmiy uyushma vakillari, shuningdek bir nechta xalqaro ekspertlar ishtirok etadi.

YEXHTning OAV erkinligi masalalari boʻyicha vakili tashkilotga aʼzo boʻlgan 57 ta davlatlar media sohasidagi vaziyat oʻzgarishlarini kuzatib boradi. U OAV va soʻz erkinligi buzilishi holatlarini oldini olish va YEXHT doirasida qabul qilingan majburiyatlarini soʻzsiz bajarishga chorlaydi.

Yangiliklar lentasi
0