TOShKENT, 31 okt — Sputnik. 30-oktabr kuni "O‘zbekiston havo yo‘llari" milliy aviakompaniyasining "Samarqand – Istanbul – Samarqand" yo‘nalishi bo‘yicha muntazam havo qatnovi ilk bor amalga oshirildi.
MAK matbuot xizmatining xabar berishicha, muntazam reyslar har dushanba kuni, 16-noyabrdan boshlab esa har payshanba kunlari ham amalga oshiriladi.
Samarqanddan Istanbulga to‘g‘ridan-to‘g‘ri havo qatnovining yo‘lga qo‘yilgani O‘zbekiston va Turkiya fuqaro aviatsiyasi bo‘yicha hamkorlik aloqalarini izchil rivojlantirishga tayyor ekanligini anglatadi.
