TOShKENT, 22 noya — Sputnik. BMT bolalar jamg‘armasi (YuNISEF) O‘zbekistondagi vakolatxonasi rahbari Sasha Graumann respublikadagi kam ta’minlangan oilalarni qo‘llab-quvvatlashga tayyor ekanligini ma’lum qilgan. Bandlik va mehnat munosabatlari vazirligi matbuot xizmati xabariga asosan.
Kuni kecha Bandlik va mehnat munosabatlari vaziri Aktam Xaitov BMT bolalar jamg‘armasi (YuNISEF) O‘zbekistondagi vakolatxonasi rahbari Sasha Graumann bilan uchrashuv o‘tkazdi.
Tomonlar aholini ijtimoiy himoya qilish, nogironlar, shu jumladan bolalarni qo‘llab-quvvatlash bo‘yicha hamkorlik qilishni mustahamlashga kelishib olishdi.
Bundan tashqari, BMT bolalar jamg‘armasi tomonidan respublika bo‘yicha kam ta’minlangan oilalar ro‘yxati tuzilib, mehnat vazirligi xodimlariga ijtimoiy yordam ko‘rsatish bo‘yicha o‘quv mashg‘ulotlar o‘tkazib beriladi.
