TOShKENT, 26 noya – Sputnik. Rossiya transport vazirligi haydovchilarni tayyorlash borasida ulkan islohotlarni rejalashtirmoqda, deb xabar qilmoqda Kommersant nashri.
Masalan, kelajakda havaskor “V” kategoriyaga ega bo‘lgan haydovchi taksichi yoki kichik yuk avtomobili haydovchisi bo‘lib ishlay olmaydi. Buning uchun u “V1” professional kategoriyasini olishi kerak bo‘ladi.
Ushbu o‘zgarishlar Rossiya Bosh vaziri o‘rinbosari Igor Shuvalov tashabbusi va Rossiya prezidenti Vladimir Putin nazorati ostida amalag oshirilmoqda. Islohotlarning asosiy maqsadi – professional haydovchilar tayyorlov darajasini oshirish va yo‘llarda xavfsizlik darajasini sezilarli oshirish.
Ushbu qonun qabul qilinganidan keyin ayrim MDH mamlakatlari fuqarolarini haydovchilikka qabul qilish borasida qabul qilingan cheklovlar ham olib tashlanadi, deyilgan xabarda.
Eslatib o‘tamiz, Rossiyada 2016-yilda YTHlarda 20 mingdan ortiq kishi qurbon bo‘lgan edi. Ushbu ko‘rsatgich yil sayin kamayib borayotgan bo‘lsada, Yevropa mamlakatlari bilan solishtirganda haligacha ancha yuqori darajada.
