TOShKENT, 28 noya — Sputnik. O‘zbekiston va Afg‘oniston o‘rtasida ilk marotaba aviaqatnovlar yo‘lga qo‘yiladi, deb xabar qildi Sputnik O‘zbekiston muxbiri.
Ilk reys chorshanba kuni, ya’ni 29-noyabrda Qobuldan qabul qilib olinadi.
"O‘zbekiston havo yo‘llari"dagi manbadan olingan xabarga ko‘ra, parvozlar Afg‘onistonning Kam Air kompaniyasi tomonidan kod-shering (reyslarni hamkorlikda ekspluatatsiya qilish) shartnomasi bo‘yicha amalga oshiriladi.
Ikki mamlakat o‘rtasida aviaqatnovlar Afg‘oniston prezidenti Ashraf G‘anining O‘zbekistonga tashrifi oldidan yo‘lga qo‘yilmoqda. Ashraf G‘ani O‘zbekistonga dekabr oyi boshlarida kelishi kutilmoqda.
