TOShKENT, 27 okt - Sputnik. O‘zbekiston Oliy ta’lim vazirligining maxsus komissiyasi 186 nafar talabaga davlat davlat stipendiyasi berishga qaror qildi, O‘zA xabariga asosan.
"O‘zbekiston Respublikasi davlat stipendiyalariga nomzodlarni saralash bo‘yicha tanlov komissiyasining bayoni bilan 2018-2019—o‘quv yili uchun respublika oliy ta’lim muassasalari bakalavriatining oxirgi ikki kursida tahsil olayotgan iqtidorli talabalarga olti xil Davlat stipendiyalari tayinlandi", - deyilgan xabarda.
Talabalarga tayinlangan stipendiyalarning tarkibi quyidagicha:
– 55 nafari Navoiy Davlat stipendiyasi;
– 56 nafari Beruniy Davlat stipendiyasi;
– 9 nafari Ulug‘bek Davlat stipendiyasi;
– 9 nafari Ibn Sino Davlat stipendiyasi;
– 2 nafari Imom al-Buxoriy Davlat stipendiyasi;
– 55 nafari Islom Karimov Davlat stipendiyasi.
Sovrindor talabalarga 2018-yil 1-sentabridan boshlab joriy o‘quv yili davomida Davlat stipendiyasi tayinlanadi.
