Siyosat

"Sinovdan oʻtdi": Mirziyoyev Ortiqxoʻjayevni Toshkent hokimi etib tayinladi

© Ramiz BaxtiyarovJaxongir Artikxodjayev, ispolnyayuщiy obyazannosti xokima goroda Tashkenta
Jaxongir Artikxodjayev, ispolnyayuщiy obyazannosti xokima goroda Tashkenta - Sputnik Oʻzbekiston
Xalq deputatlari Jahongir Ortiqxoʻjayev nomzodini qoʻllab-quvvatladi.

TOSHKENT, 21 dek - Sputnik. Xalq deputatlari Toshkent shahar sessiyasida tashkiliy masala koʻrildi. Prezident Shavkat Mirziyoyev Toshkent shahar hokimi vazifasini vaqtincha bajarib kelayotgan Jahongir Ortiqxoʻjayev nomzodini shahar hokimi lavozimiga tavsiya etdi. Prezident matbuot-xizmati xabariga asosan.

Roman Osokin - Sputnik Oʻzbekiston
Analitika
"Toshkent City"ni 4 yilda qursa boʻladimi? Ekspert Roman Osokin bilan intervyu

"Toshkent mamlakatimiz uchun qanchalik muhimligini hammangiz yaxshi bilasiz. Bu yerga rahbar qoʻyish ham osonmas. Shuni inobatga olib, Jahongir Ortiqxoʻjayevni hokim vazifasini bajaruvchi sifatida 8 oydan buyon sinadik. Toʻgʻrisini aytish kerak, u shaharga kelib, muhitni oʻzgartirishga erishdi. Hokimlikning obroʻsini oshirdi, tadbirkorlarni oʻziga ergashtira oldi. Jahongir Ortiqxoʻjayev Toshkent shahrining sharoitini, uning iqtisodiy-ijtimoiy salohiyatini, bu yerdagi odamlarni va faollarni yaqindan biladi. Eng asosiysi, qanday qilib odamlar uchun ish joyi tashkil etishni yaxshi biladi", - dedi Mirziyoyev. 

Xalq deputatlari Jahongir Ortiqxoʻjayev nomzodini qoʻllab-quvvatladi. Soʻzga chiqqanlar yangi hokim va uning barcha oʻrinbosarlari, barcha faollar bir musht boʻlib, poytaxtimizni jadal rivojlantirish boʻyicha bugun belgilab berilgan vazifalarni bajarish yoʻlida bor kuch va imkoniyatlarini safarbar etishini taʼkidladilar.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala