Gongkonglik taksist ayol yoʻlovchilar yubkasini tagini poylash uchun mashinada kamera yashirdi

Erkakning telefonidan u manzillariga eltib qoʻygan ayollar ishtirokidagi 870 ta rolik topilgan. Videolarning barchasi ayollar xabarisiz yashirin video yordamida suratga olingan boʻlgan.

TOSHKENT, 23 mar - Sputnik. Gonkongda yoʻlovchi ayollarni yashirin kamera yordamida suratga olgan Uber taksi haydovchisiga hukm oʻqildi, deb xabar bermoqda South China Morning Post nashri.

Zaklyuchennыy za reshetkoy - Sputnik Oʻzbekiston
Hodisalar
Gorilla libosida xonadonlar derazasidan poylab, qamoqqa tushdi

2018 yilning sentyabrida politsiyachilar 44 yashar haydovchini alkogolga tekshirish uchun toʻxtatib, uning telefoni orqa oʻrindiqda uxlab yotgan yoʻlovchi ayolni koʻrsatib turganini payqab qolishadi. Avtomobil tekshiruvdan oʻtkazilganida, old oʻrindiqning orqa tomonida ikkita kamera borligi aniqlanadi. Yashirin kameralar ayollarning yubkasini tagini koʻrsatadigan qilib joylashtirilgan boʻlgan.

Uber kompaniyasi uxlab yotgan yoʻlovchi ayolning yoʻl xarajatlarini oʻz hisobidan toʻlab beradi. Maʼlum boʻlishicha, erkak uxlab yotgan ayolni 13 marta videoga olishga ulgurgan. Shuningdek, erkakning telefonidan u manzillariga eltib qoʻygan ayollar ishtirokidagi 870 ta rolik topilgan. Videolarning barchasi ayollar xabarisiz yashirin video yordamida suratga olingan boʻlgan.

Joriy yil mart oyi boshida haydovchi jamoatchilik odoblarini buzganligi va litsenziyasi boʻlmagan holda taksi haydaganini tan olgan. Erkak ayollarni oʻzi uchun suratga olganligini taʼkidlagan. Maʼlum boʻlishicha, u 10 yildan buyon boʻydoqlikda hayot kechirgan. Erkakka sud tomonidan 2 ming gongkong dollari (taxminan 267 AQSH dollari) miqdorida jarima solingan va 2 oylik qamoq jazosi tayinlangan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala