Sport

Turkiya - Oʻzbekiston oʻrtoqlik oʻyiniga bepul chiptalar taqdim qilinadi

© REUTERS / Satish Kumar SubramaniUzbekskiye bolelщiki vo vremya matcha Uzbekistan-Avstraliya
Uzbekskiye bolelщiki vo vremya matcha Uzbekistan-Avstraliya - Sputnik Oʻzbekiston
Oʻzbekiston va Turkiya milliy terma jamoalari oʻrtasidagi oʻrtoqlik oʻyini 2 iyun kuni "Alanya stadium" oʻyingohida mahalliy vaqt bilan soat 21:00da (Toshkent vaqti bilan soat 23:00da)boshlanadi

TOSHKENT, 25 may - Sputnik. Joriy yilning 2 iyun kuni  Alanya shahrida Oʻzbekiston milliy terma jamoasi Turkiyaga qarshi oʻrtoqlik oʻyinini oʻtkazadi. Muxlislarda shu oʻyinga bepul chipta olish imkoni mavjud.

"Bu Oʻzbekiston milliy terma jamoasining Turkiyaga qarshi oʻz tarixidagi birinchi oʻyini boʻladi. Ana shu tarixiy oʻyinda milliy terma jamoamizni qoʻllab-quvvatlab turish uchun ayni kunlarda Turkiyada xizmat safarida boʻlib turgan yoki mehnat faoliyati olib borayotgan barcha vatandoshlarimizni Alanya shahridagi "Alanya stadium" oʻyingohiga chorlab qolamiz", - deyiladi Oʻzbekiston futbol assotsiatsiyasi xabarida.

Oʻzbekiston futbol assotsiatsiyasi tomonidan Turkiya - Oʻzbekiston oʻrtoqlik oʻyinini tomosha qilish uchun stadionga tashrif buyuradigan oʻzbekistonlik muxlislar uchun 100ta chipta bepul taqdim qilinadi. Chiptalarni Turkiyadagi oʻzbekistonlik  muxlislar 1 iyun kuni "Sense hotel" mehmonxonasidan olib ketishlari mumkin. 

Eslatib oʻtamiz, oʻyin 2 iyun kuni "Alanya stadium" oʻyingohida mahalliy vaqt bilan soat 21:00da (Toshkent vaqti bilan soat 23:00da)boshlanadi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala