TOShKENT, 24-iyun – Sputnik. Janubiy-Farg‘ona kanaliga tushib ketgan 22 yoshli qirg‘izistonlik ayolning jasadi topildi. Bu haqda Sputnik Qirg‘iziston xabar qildi.
Ta’kidlanishicha, 22-iyun kuni o‘zbekistonlik qutqaruvchilari ayolning jasadini topishdi. Kelasi kun jasad qarindoshlarga berildi.
Fojia 20-iyun kuni sodir bo‘ldi. Ma’lum bo‘lishicha, kelin soat 11:00 da kanalga tushib ketgan. Kuyov uni qutqaraman deb suvga sakragan, uning orqasidan yana bir yigit suvga tushdi. Oxirgi sakragan yigit qirg‘oqqa chiqishga muvaffaq bo‘ldi, biroq er-xotinni suv oqimi olib ketdi.
