TOShKENT, 25 sen — Sputnik. Qoraqalpog‘istonda O‘zbekiston Qizil kitobiga kiritilgan 13 dona jayronlarni otib o‘ldirilishi hayvonot dunyosiga 145 mln. so‘m miqdorda zarar yetkazdi. Bu haqda Bosh prokuratura matbuot xizmati xabar qildi.
Aniqlik kiritilishicha, Mo‘ynoq tumani “Qozoqdaryo” ovul fuqarolar yig‘ini hududida Taxtako‘pir tumanida yashovchi 5 nafar fuqarolar ushbu hayvonlarni otib o‘ldirishgan.
Mazkur holat yuzasidan Orol tabiatni muhofaza qilish prokuraturasi tomonidan JKning 202-moddasi 3-qismi “j” bandi bilan jinoyat ishi qo‘zg‘atilgan.
Hozirda dastlabki tergov harakatlari olib borilmoqda.
Eslatib o‘tamiz, avvalroq Qoraqalpog‘istonda 13 bosh jayron otib o‘ldirilgani xabar qilingan edi.
