TOShKENT, 30 okt — Sputnik. Farg‘onada fuqarodan 30 ming dollar talab qilgan kadastr xodimi ushlandi.
Bosh prokuratura xabariga ko‘ra, Departamentning Farg‘ona viloyat boshqarmasi tomonidan DXX viloyat boshqarmasi xodimlari bilan hamkorlikda tezkor tadbir o‘tkazilgan. Unda “Yer tuzish va ko‘chmas mulk kadastri” davlat korxonasi Oltiariq tuman filiali mutaxassisi E.M. va boshqalar fuqaro O.N.dan unga 5 gektar yer maydonini bog‘dorchilik uchun ajratish to‘g‘risida tuman hokimining qarorini chiqartirib berish evaziga 30 ming dollar talab qilishgan.
Shundan 22 ming dollar va 28,5 mln so‘mni firibgarlik yo‘li bilan olayotgan vaqtida ashyoviy dalillar bilan ushlangan.
Mazkur holat yuzasidan E.M. va boshqalarga nisbatan JKning 168 va 28,211-moddalari bilan jinoyat ishi qo‘zg‘atilib, tergov harakatlari o‘tkazilmoqda.
