TOShKENT, 6 fev - Sputnik. Pegasus aviakompaniyasining “Izmir – Istanbul” yo‘nalishida parvoz amalga oshirayotgan samolyoti qo‘nish vaqtida sodir bo‘lgan favqulodda holatdan so‘ng qurbonlar soni 3 kishiga yetdi, deb xabar qilmoqda RIA Novosti.
Sabixi Gokchen aeroportida sodir bo‘lgan halokatda qurbonlar soni 3kishiga, jabrlanganlar soni 179 nafarni tashkil qildi, - deyilgan xabarda.
Eslatib o‘tamiz, 5-fevral kuni Turkiyaning Pegasus avaikompaniyasiga tegishli bo‘lgan Boeing 737-800 NG avialayneri Sabixi Gokchen aeroportiga qo‘nish vaqtida aeroportning uchish-qo‘nish yo‘lagidan 50-60 metr nariga chiqib ketib devorga urilgan va 3 qismga bo‘linib ketgan edi. Datslabki ma’lumotlarga ko‘ra, bunga noqulay ob-havo sharoiti sabab bo‘lgan. Samolyot qo‘nayotganda kuchli shamol esib yomg‘ir yog‘ayotgan bo‘lgan.
Ushbu hodisadan so‘ng Sabixi Gokchen aeroportiga barcha parvozlar bekor qilindi. Barcha samolyotlar "Istanbul" aeroportiga yo‘naltirilgan. Turkiya huquqni saqlash organlari voqea tafsilotlarini o‘rganmoqda.