TOShKENT, 2 mar — Sputnik. Joriy yilning 4-mart sanasidan Farg‘ona-Olmaota yo‘nalishida muntazam avtobus qatnovlari yo‘lga qo‘yilmoqda. Bu haqda Transport vazirligi axborot xizmati xabar qildi.
Ta’kidlanishicha, mazkur qatnov O‘zbekiston transport vazirligi tomonidan Farg‘onadan Qozog‘istonga boruvchi yo‘lovchilarga qulaylik yaratish maqsadida yo‘lga qo‘yildi.
1202 km.dan iborat masofadagi yo‘nalishda harakat vaqti 22 soat 20 daqiqani tashkil etib, qatnov “Farg‘ona shahar atrofi” avtoshohbekatidan soat 11:00 boshlanadi.
Chiptalar “Farg‘ona shahar atrofi” avtoshohbekati va “Sayran” avtovokzallarida sotiladi.
