Dunyo bozorlari koronavirus tarqalishi bilan bogʻliq vaziyatning yomonlashuvi sharoitida va fond birjalarida vahima bilan bir qatorda jiddiy xavf ostida. Bundan tashqari, jahon bozorida neft narxi sezilarli darajada pasaydi. Ushbu omillar munosabati bilan Qozogʻiston Markaziy banki asosiy stavkani darhol 2,75 foiz punktga koʻtardi - 12% gacha. Oʻzbekiston Markaziy bankining yaqinda boʻlib oʻtgan yigʻilishida asosiy stavkani 16 foiz darajasida ushlab turishga qaror qilindi. Biroq, Markaziy Osiyo mamlakatlari va Rossiyaning oʻzaro bogʻliq bozorlari, shubhasiz, bir-biriga taʼsir qiladi.
Rossiyalik ekspertning fikriga koʻra, valyuta va tovar bozorlaridagi jiddiy tebranishlar ayrim ishlab chiqaruvchilar uchun mahalliy yoʻqotishlarni keltirib chiqarishi mumkin, ammo umuman olganda, bunday vaziyat mamlakatlarning savdo-iqtisodiy siyosatini oʻzgartirishga majbur qilishi mumkin.
“Ushbu jarayon imkoniyatlar oynasi sifatida koʻrilishi mumkin. Agar Rossiya, Qozogʻiston va Oʻzbekiston, masalan, milliy valyutadagi oʻzaro hisob-kitoblarga oʻtadigan boʻlsalar, bu ularga tashqi iqtisodiy vaziyatga nisbatan pastroq sezgir boʻlishga imkon beradi. Albatta, bu uzoq va qiyin jarayon, ammo bu albatta oʻz samarasini beradi”, - taʼkidladi Ivankov.
Sputnik Oʻzbekiston podkastida ekspertning batafsil izohini rus tilida tinglashingiz mumkin.
