TOSHKENT, 22 dek - Sputnik. Oʻzbekiston sambochilari Moskvada boʻlib oʻtgan Jahon kubogi musobaqasida 14ta medal qoʻlga kiritib, umumjamoa hisobida faxrli 2-oʻrinni qoʻlgan kiritishdi, deb xabar qilmoqda Milliy Gvardiya telegram kanali.
"Murosasiz bellashuvlar natijasida hamyurtlarimiz - 3 ta oltin, 8 ta kumush va 3 ta bronza medallarni qoʻlga kiritib, umumjamoa hisobida 2-oʻrinni egalladilar", - deyilgan xabarda.
Sportchilar orasida Milliy gvardiya harbiy xizmatchilari Sarbon Ernazarov oltin hamda Ulgʻbek Raxmonov kumush medalni qoʻlga kiritdi. Toshkent xalqaro aeroportida sportchilar munosib kutib olindi.
Moskvadagi xalqaro turnirda 17 ta davlatdan 130 nafardan ortiq sportchilar ishtirok etgan.
