Iqtisod

Kapital bozorini rivojlantirish toʻgʻrisida - prezident farmoni imzolandi

© REUTERS / Russell BoyceV brokerskoy kompanii v Londonskom finansovom tsentre Keneri-Uorf
V brokerskoy kompanii v Londonskom finansovom tsentre Keneri-Uorf - Sputnik Oʻzbekiston, 1920, 14.04.2021
Oʻzbekistonda kapital bozorini rivojlantirish, qimmatli qogʻozlar hajmini oshirish maqsadida prezident farmoni imzolandi.
TOSHKENT, 14 apr — Sputnik. Oʻzbekiston kapital bozori hajmi 2023 yilga qadar 45 trillion soʻmga yetkaziladi. Bu haqida Shavkat Mirziyoyev tomonidan imzolangan “Kapital bozorini yanada rivojlantirish chora-tadbirlari toʻgʻrisida”gi farmonida aytib oʻtilgan.
Farmonda koʻzlangan maqsadlar:
1.
2023 yil yakuniga qadar 45 trillion soʻmga yetkazish;
2.
Kreditga muqobil samarali moliyalashtirish mexanizmini yaratish;
3.
Qimmatli qogʻozlar hajmini - YAIMning kamida 5 foiziga yetkazish;
Farmonda belgilangan kapital bozoriga oid asosiy yangiliklar:
Markaziy bank 2021 yil 1 noyabrga qadar “Qimmatli qogʻozlarning markaziy depozitariysi” DK hisob raqamlari Markaziy bankka oʻtkazadi;
2023 yil 1 yanvardan boshlab mahalliy emitentlar oʻz aktsiyalarini dastlab respublika fond birjasida joylashtirgandan soʻng anderrayter tavsiyasiga koʻra xorijiy fond bozorlarida joylashtirishi mumkin;
ommaviy savdolar orqali aktsiyalarni IPO yoki SPO usulida joylashtirish natijalari qayta koʻrib chiqilmaydi.
Ustav kapitalida davlat ulushi 50 foiz va undan ortiq boʻlgan aktsiyadorlik jamiyatlari aktsiyalarining birlamchi (IPO) va ikkilamchi (SPO) ommaviy taklifini quyidagi shartlarda oʻtkazish belgilansin:
IPO yoki SPO yoʻli bilan sotiladigan aktsiyalarni xarid qilish uchun arizalarni toʻplash ushbu IPO yoki SPOni oʻtkazish shartnomasi tuzilgan anderrayter yoki anderrayterlar guruhi tomonidangina amalga oshiriladi;
anderrayter aktsiyadorlik jamiyatini dastlabki oʻrganish natijalari asosida aktsiyalar xaridi boʻyicha arizalarni toʻplash uchun narx chegaralarini belgilaydi;
IPO va SPO yoʻli bilan aktsiyalarni taqsimlash aktsiyalarga boʻlgan talab va taklifdan kelib chiqqan holda, anderrayter tomonidan aniqlanadigan yagona narx asosida amalga oshiriladi;
anderrayterga aktsiyadorlik jamiyati bilan tuzilgan shartnoma asosida aktsiyalar taqsimlanadigan investorlarni tanlash, shuningdek, investorlarga IPO va SPO doirasida xarid qilingan aktsiyalarni sotish taqiqlanadigan muddatni belgilash huquqi beriladi.
Farmon ijrosini samarali tashkil etishga masʼul va shaxsiy javobgar etib moliya vaziri T.A Ishmetov belgilansin.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala