Iqtisod

Iqtisodiy zonalar infratuzilmasi qanday yaxshilanadi?

© Sputnik / Anton Denisov / Fotobankka oʻtishUborka i pererabotka pervogo urojaya rossiyskogo kartofelya dlya "Makdonalds"
Uborka i pererabotka pervogo urojaya rossiyskogo kartofelya dlya Makdonalds - Sputnik Oʻzbekiston, 1920, 07.05.2021
Maxsus iqtisodiy va kichik sanoat zonalar tashqi muhandislik-kommunikatsiya infratuzilmalari bilan taʼminlash tadbirlariga 2021 yilda 1,6 trln soʻm, 2022 yilda 1,8 trln soʻm mablagʻlar ajratiladi.
TOSHKENT, 7 may - Sputnik. Oʻzbekistonda mavjud 23 ta maxsus iqtisodiy zonalar jami 8,8 ming gektar yer maydonini egallaydi. Ulardan 3,9 ming gektarida qiymati 5,3 mlrd. dollar boʻlgan 895 ta investitsiya loyihalari joylashtirilgan.
Bu haqda bugun AOKAda oʻtkazilgan matbuot-anjumanida maʼlum qilindi.
Maxsus iqtisodiy zonalarning qolgan 4,9 ming gektari investitsiya loyihalarini joylashtirish mumkin boʻlgan boʻsh yer maydonlari hisoblanadi.
Ularning 65 foizi zarur muhandislik-kommunikatsiya infratuzilmalari bilan toʻliq taʼminlanmagan. Maxsus iqtisodiy zonalarning toʻlaqonli faoliyat koʻrsatishiga xalaqit berayotgan eng katta toʻsiq ham mana shu muammo hisoblanadi.
Oʻzbekiston erkin iqtisodiy zonalari - Sputnik Oʻzbekiston, 1920, 15.12.2020
Infografika
Foyda va imtiyoz: Oʻzbekiston – erkin iqtisodiy zonalar
Bugungi kunda faoliyat koʻrsatayotgan 60 ta kichik sanoat zonalari zarur muhandislik-kommunikatsiya infratuzilmalari bilan toʻliq taʼminlanmagan.
Oʻzbekiston prezidenti tomonidan imzolangan “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi qaror shu kabi muammolarni yechishga qaratilgan.
Qarorga koʻra, 2021-2022 yillarda Maxsus iqtisodiy va kichik sanoat zonalar tashqi muhandislik-kommunikatsiya infratuzilmalari bilan taʼminlash tadbirlariga 2021 yilda 1,6 trln soʻm, 2022 yilda 1,8 trln soʻm mablagʻlar ajratiladi.
Mazkur qaror bilan har bir maxsus iqtisodiy zona va har bir kichik sanoat zonasini infratuzilmalar bilan taʼminlash boʻyicha manzilli roʻyxat tasdiqlangan.
Maʼlumot uchun: joriy yilda erkin iqtisodiy zonalarda umumiy qiymati 1,1 milliard dollar boʻlgan 332 ta loyiha, kichik sanoat zonalarida umumiy qiymati 9,5 trillion soʻm boʻlgan 1 ming 845 ta loyiha ishga tushirilishi rejalashtirilgan.
Bu loyihalar, asosan, iqtisodiyotning oʻsish nuqtasi hisoblangan elektrotexnika, charm-poyabzal, qurilish materiallari, neft-gaz, farmatsevtika, turizm, issiqxona xoʻjaliklari, xalq isteʼmol mollarini ishlab chiqarish sanoati yoʻnalishlarda amalga oshiriladi.
Natijada, 20 ming 298 ta yangi ish oʻrni yaratiladi. Bu esa shu yilning yakuni bilan 400 million dollarlik mahsulot eksport qilish, 350 million dollarlik import oʻrnini bosuvchi tovarlar ishlab chiqarish hamda davlat byudjetiga qoʻshimcha 2 trillion soʻmdan koʻp mablagʻlarni yoʻnaltirishga imkon beradi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala