Iqtisod

Toshkent aeroporti yaqinidagi koʻprik oʻrniga aylanma yoʻl oʻtkazgich quriladi

© Sputnik / Aleksey Kudenko / Fotobankka oʻtishTransportnыe razvyazki
Transportnыe razvyazki - Sputnik Oʻzbekiston, 1920, 01.06.2021
Toshkent xalqaro aeroportidan shahar markaziga oʻtishdagi koʻprikni kengaytirish rejalashtirilmoqda.
TOSHKENT, 1 iyun — Sputnik. Prezident Shavkat Mirziyoyev turizm, shahar infratuzilmasi va sanoat sohalaridagi loyihalar borasida amalga oshirilayotgan ishlar taqdimoti bilan tanishdi.
Davlat rahbari matbuot xizmatining maʼlum qilishicha, taqdim etilgan loyihalardan biri Toshkent xalqaro aeroportidan shahar markaziga oʻtishdagi koʻprikni kengaytirishga qaratilgan. Hozirgi yoʻl oʻtkazgich 1967 yilda qurilgan.
Taʼkidlanishicha, poytaxt rivojlanishi va transportlar soni oshishi bilan uni rekonstruktsiya qilish ehtiyoji paydo boʻlgan.
“Shu bois ushbu koʻprikning Kichik halqa yoʻli bilan kesishgan joyida aylanma shaklidagi yoʻl oʻtkazgich qurish rejalashtirilgan. Uning uzunligi 650, eni 30 metr boʻlishi moʻljallangan”, - deyilgan xabarda.
© "Oʻzbekiston 24" telekanali efiridan kadrKoʻprik loyihasi
Koʻprik loyihasi - Sputnik Oʻzbekiston, 1920, 01.06.2021
Koʻprik loyihasi
Bu muhandislik yechimi avtotransportlarning koʻprikka chiqishi va tushishini osonlashtirishi kutilmoqda. Bu yerdagi qulaylik yaqin atrofdagi koʻchalarga ham taʼsir qilib, tirbandlik kamayishiga xizmat qilishi urgʻulangan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala