Rossiya

Rossiya bir oy ichida MFFda dollardan toʻliq voz kechadi

© Sputnik / Vladimir TrefilovDenejnыe kupyurы
Denejnыe kupyurы - Sputnik Oʻzbekiston, 1920, 04.06.2021
Bundan buyon Rossiya Milliy faravonlik fondi yevro, yuan, funt va iyena asosida shakllantiriladi.
TOSHKENT, 3 iyun - Sputnik. Rossiya bir oy ichidan oʻz Milliy faravonlik fondida (MFF) AQSH dollaridan toʻliq voz kechadi hamda Britaniya funti miqdorini kamaytiradi. Ushbu valtalar oʻrniga MFFda yevro va yuan va oltin miqdori oshiriladi. Bu haqida Sankt-Peterburgda boʻlib oʻtayotgan xalqaro iqtisodiy forumda moliya vaziri Anton Siluanov xabar qildi.
Biz va Markaziy bank birgalikda MFFdagi dollar miqdorini kamaytirishga qaror qildik. Bugungi kunda uning tarkibida dollar – 35 %ni tashkil qiladi. Biz dollardagi aktivlardan toʻliq voz kechishga qaror qildik. Uning oʻrniga yevro va oltin miqdori oshiriladi”, - dedi Siluanov.
Moliya vaziri aytishiga koʻra, ushbu ishlar ancha tez, bir oy ichida amalga oshiriladi va shundan soʻng Milliy faravonlik fondining 40% - yevroda, 30% - yuanda, 20% - oltinda hamda 5%dan funt va iyenada boʻladi.
Bugungi kun holatiga MFFda dollar va yevro 35%dan, yuan – 15%, funt – 10% hamda iyena – 5%ni tashkil qiladi.
Rossiya bosh vazirining birinchi oʻrinbosari Andrey Bellouslov aytishiga koʻra, ushbu qaror Amerika rahbariyati tomonidan sanktsiyalar kiritish xavfi tufayli qabul qilingan.
Maʼlumot uchun, Rossiya 2018 yilning bahoridan boshlab AQSH qimmatli qogʻozlariga tikilgan mablagʻlar miqdorini bosqichma-bosqich kamaytirib kelmoqda. Xususan, 2018 yil AQSH davlat qarziga sarflangan mablagʻlar 96 milliard dollarni tashkil qilgan boʻlsa, 2021 yilning fevralida – 3,9 milliardni tashkil qildi.
Eslatib oʻtamiz, shu kunlarda (2-5 iyun) Sankt-Peterburgda xalqaro iqtisodiy forum boʻlib oʻtmoqda. Uning mavzusi “Yana birgalikda. Yangi zamon iqtisodiyoti”. Ushbu iqtisodiy forum oflayn formatda, xavfsizlik choralariga amal qilgan holda boʻlib oʻtmoqda. Biznesmenlar uchun forumga kirish badali – 1 million rubl.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala