Sport

Futzal: Oʻzbekiston oʻz tarixida ilk bor Jahon chempionatining nimchorak bosqichiga yoʻl oldi

© Assotsiatsiya futbola UzbekistanaUzbekistan vpervыe v istorii vыshel v pley-off chempionata mira po futzalu
Uzbekistan vpervыe v istorii vыshel v pley-off chempionata mira po futzalu - Sputnik Oʻzbekiston, 1920, 19.09.2021
Misrga qarshi kechgan uchrashuvda Oʻzbekiston jamoasi 2:1 hisobida ustun keldi.
TOSHKENT, 19 sen — Sputnik. Litvada boʻlib oʻtayotgan futzal boʻyicha Jahon chempionati guruh bosqichining 3-turida Oʻzbekiston terma jamoasi Misrga qarshi bahs olib bordi.
Murosasiz kurashlarga boy boʻlgan uchrashuvda Oʻzbekiston jamoasi 2:1 hisobida ustun keldi. Uchrashuvning 2-daqiqasida Husniddin Nishonov raqib darvozasiga toʻp kirib, hisobni ochdi. 19-daqiqada Misr hisobni tenglashtirdi. Mustafo Eid gol urdi. 2-boʻlimning 13-daqiqasida Anasxon Rahmatov gol urib, hisobni 2:1 koʻrinishiga keltirdi.
Shu tariqa guruhda 3 ochko qoʻlga kiritgan Oʻzbekiston termasi toʻplar nisbatiga koʻra eng yaxshi natija bilan ikkinchi pogʻonani band etdi va nimchorak final masalasini hal qildi.
Endi oʻzbekistonlik futzalchilar chorak final yoʻllanmasi uchun 24 sentyabr kuni Eron – Argentina oʻrtasidagi bahs magʻlubiga qarshi maydonga tushadi.
Chempionatning dastlabki ikki bahsida Oʻzbekiston Rossiya (2:4) va Gvatemalaga (4:5) magʻlub boʻlgandi.
Oʻzbekiston futzal terma jamoasi oʻz tarixida ilk marta Jahon chempionatining nimchorak bosqichiga yoʻl oldi. Oʻzbekiston 2016 yili Kolumbiyada oʻtgan oʻzining birinchi Jahon chempionatidagi ishtirokini guruh bosqichida yakunlagandi.
Yangiliklar lentasi
0
Avval yangilariAvval eskilari
loader