Jamiyat

Deputatlar dam olish kunlarini koʻproq qilish taklifini bildirishdi

© Sputnik / Ramiz BaxtiyarovPiknichok i zona otdыxa v odnom iz gorodskix fontanov stolitsы
Piknichok i zona otdыxa v odnom iz gorodskix fontanov stolitsы - Sputnik Oʻzbekiston, 1920, 11.10.2021
Bu degani qonunchilikda belgilangan bayram kunlari agar yakshanba kuniga toʻgʻri kelsa, unda dushanba kuni dam olish kuniga qoʻshib beriladi.
TOSHKENT, 11 okt – Sputnik. Oʻzbekistonda bayram kunlari yakshanbaga toʻgʻri kelsa, dushanbani ham dam olish kuni deb eʼlon qilish taklif etildi. Bu haqda Oliy Majlis Qonunchilik palatasidagi OʻzLiDeP fraktsiyasining navbatdagi yigʻilishida “Oʻzbekiston Respublikasining Mehnat kodeksini tasdiqlash toʻgʻrisida”gi qonun loyihasi muhokamasi davomida maʼlum qilindi.
“Taklif etilayotgan qonun loyihasida dam olish kuni ishlanmaydigan bayram kuniga toʻgʻri kelgan taqdirda, dam olish kuni bayramdan keyingi kunga koʻchirilishi belgilanyapti. Bu degani qonunchilikda belgilangan bayram kunlari agar yakshanba kuniga toʻgʻri kelsa, unda dushanba kuni dam olish kuniga qoʻshib beriladi”, - deyilgan xabarda.
Taʼkidlanishicha, loyiha quyi palataning 7 oktyabrdagi yigʻilishida birinchi oʻqishda muhokama qilingan. Keyin u bildirilgan fikr-mulohaza va takliflar asosida pishiq-puxta holatga keltirilgan.
Deputatlarning soʻzlariga koʻra, yangi tahrirdagi Mehnat kodeksining kabul kilinishi amaliyotga qator qulayliklarni yaratadi. Bunda bozor iqtisodiyoti talablarini hisobga olgan holda xodimlar va ish beruvchilar manfaatlarining muvozanati taʼminlanadi. Qolaversa, ularning ijtimoiy hamkorlikka jalb qilinishi ortib, tomonlarning mehnat natijadorligiga qiziqishi ragʻbatlantiriladi.
Mehnat qonunchiligi boʻyicha 1 yanvar — Yangi yil, 8 mart — Xotin-qizlar kuni, 21 mart — Navroʻz bayrami, 9 may — Xotira va qadrlash kuni, 1 sentyabr — Mustaqillik kuni, 1 oktyabr — Oʻqituvchi va murabbiylar kuni, 8 dekabr — Konstitutsiya kuni, shuningdek, Roʻza hayit hamda Qurbon hayit bayramlarining birinchi kunlari bayram kunlari sanaladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala