Jamiyat

Andijonda noqonuniy ushlab qolingan 150 million soʻm institut xodimlariga qaytarildi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik Oʻzbekiston, 1920, 13.10.2021
Ushlab qolingan mablagʻlar 221 kishiga qaytarilib, institut maʼsul xodimlari intizomiy va maʼmuriy jazoga tortildi.
TOSHKENT, 13 okt – Sputnik. Andijon tibbiyot instituti xodimilaridan oylik ish haqlaridan ushlanib qolingan 150 million soʻm Adliya organlari tomonidan qaytarildi.
Maʼlum boʻlishicha, xodimlarning ish haqlaridan shanbalik uchun pul mablagʻlari rektorning tegishli buyrugʻiga asosan ixtiyoriy ravishda ushlanib qolinganligi aniqlangan.
Biroq, Oʻzbekiston Respublikasi MKning 164-moddasiga asosan, mehnat ish haqidan ushlab qolish faqatgina xodimning yozma roziligi bilan amalga oshiriladi, rozilik xati boʻlmasa faqat sud qaroriga asosan yoʻl qoʻyilishi belgilangan.
Shunga qaramasdan, institutnig tegishli buyrugʻiga bilan 743 nafar xodimning sentyabr oyi uchun oylik ish haqidan 100—300 ming soʻmdan jami 150 mln soʻm mablagʻlar avgust oyida oʻtkazilgan hashar munosabati bilan ushlab qolingan, shundan 221 nafar xodimning ish haqidan ularning roziligisiz ushlab qolingan.
Oʻrganishlar yakuniga koʻra, 150 mln soʻm pul mablagʻlari institut xodimlariga toʻliq qaytarilib, qonunbuzilish holatlariga yoʻl qoʻygan institutning mansabdor shaxslari intizomiy va maʼmuriy javobgarlikka tortildi.
Biroz oldin ijtimoiy tarmoqlarda Andijon davlat tibbiyot instituti xodimlarining oylik ish haqidan pul mablagʻlari shanbalik uchun ushlanib qolinganligi haqidagi xabarlar tarqalgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala