Iqtisod

Dunyoning yetakchi IT kompaniyalari Oʻzbekistonga $1,4 million soliq toʻladi

© AFP / DENIS CHARLETIkonka Facebook
Ikonka Facebook - Sputnik Oʻzbekiston, 1920, 15.10.2021
Soliq tizimiga kiritilgan qulaliklar tufayli ikki yil ichida 28 ta xorijiy korxona,soliq toʻlovchi sifatida onlayn roʻyxatdan oʻtdi. Ular orasida taniqli brendlar ham talaygina.
TOSHKENT, 15 okt - Sputnik. Dunyoning yetakchi IT kompaniyalari Oʻzbekiston gʻaznasiga 1,4 million dollar soliq toʻladi deb xabar qilmoqda Davlat Solq qoʻmitasi.
️Joriy yilning 9 oyida Facebook 7,6 mlrd. soʻm, Google Commerce Ltd.– 4,6 mlrd. soʻm, Apple – 2,2 mlrd. soʻm, Netflix – 331 mln soʻm va Yandex – 256 mln soʻm soliq toʻladi, - deyilgan xabarda.
Xabarda aytilishiga koʻra, 2021 yilda Oʻzbekistonda 9 ta xorijiy kompaniya QQS toʻlovchi sifatida roʻyxatga olingan. Bular – Vaskiani Ventures Limited (Kipr)), Google Cloud EMEA Limited (Irlandiya), Spotify AB (Shvetsiya), ADOBE (Irlandiya), DELSE, Inc. (AQSH), Scribd, Inc. (AQSH), LinkedIn Ireland Unlimited Company (Irlandiya), Google LLC (AQSH) va Microsoft Ireland Operations Limited (Irlandiya).
Shuningdek, Oʻzbekistonda ikki yil ichida doimiy vakolatxonaga ega boʻlmagan holda jismoniy shaxslarga elektron xizmat koʻrsatuvchi 28 ta xorijiy kompaniya soliq toʻlovchi sifatida roʻyxatdan oʻtgan. Ular orasida Booking.com B.V., Netflix International B.V., Apple, Facebook, Yandex, Huawei kabi taniqli brendlarni uchratish mumkin.
Maʼlumot uchun, Oʻzbekiston Soliq kodeksida 2020 yil 1 yanvardan boshlab roʻyxatga olishning yangi tartibi belgilangan edi hamda internet-kompaniyalari roʻyxatdan oʻtishi uchun qulaylik yaratish maqsadida Soliq qoʻmitasi tomonidan onlayn ishlaydigan QQS-ofis ishga tushirilgan edi.
️Ushbu platforma xorijiy yuridik shaxslarga Oʻzbekistonda QQS toʻlovchi sifatida roʻyxatdan oʻtish uchun ariza berish, onlayn shaxsiy kabinetdan foydalanish, (hisobot taqdim etish va soliq toʻlash) shuningdek, soliqqa tortish bilan bogʻliq barcha savollarga javob olish imkonini beradi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala