Dunyoda

BMT Xavfsizlik kengashi insoniyat taqdirini hal qilish huquqiga ega emas - Erdoʻgʻon

© REUTERS / UMIT BEKTASPrezident Turtsii Redjep Tayip Erdogan
Prezident Turtsii Redjep Tayip Erdogan - Sputnik Oʻzbekiston, 1920, 19.10.2021
Turkiya prezidenti Ikkinchi Jahon urushidan keyin oʻrnatilgan dunyo tartibini tanqid qildi.
TOSHKENT, 19 okt — Sputnik. Turkiya prezidenti Toyip Rajab Erdoʻgʻon Ikkinchi Jahon urushi gʻolibi boʻlgan “bir nechtagina” davlatlarning bugungi siyosatda tutgan oʻrnini kamaytirishni taklif qildi.
“Dunyo oʻzgarib borarkan diplomatiya ham oʻzgarib boradi, savdo va xalqro munosabatlar mutlaq qayta shakllanmoqda. Shu sababli ham global xavfsizlik tuzilmasini ham avvalgidek saqlab qolishning iloji yoʻq”, - dedi Turkiya prezidenti Angolaga uyushtirgan tashrifi doirasida.
Biroz oldin Erdoʻgʻon BMT Xavfsizlik kengashining besh doimiy aʼzolari sonini kengaytirish maqsadida ularni “boshi berk koʻchaga qamab qoʻyadigan” yoʻl xaritasi borligini maʼlum qilgan edi. Turkiya rahbari fikriga koʻra, doimiy aʼzolar sonini kengaytirish haqidagi talablarga quloq tutmaslik “Ikkinchi Jahon urushidan soʻng paydo boʻlgan dunyo tartibini nima qilib boʻlsa ham saqlab qolishga urinish” bilan izohlanadi. Erdoʻgʻon aytishiga koʻra, “dunyoda veto huquqiga ega boʻlgan beshta davlatdan boshqalar ham bor”.
Eslatib oʻtamiz, iyul oyida Rossiyaning BMTdagi doimiy vakili Dmitriy Polyanskiy Moskva XK aʼzolari soni “Kollektiv Gʻarb” hisobidan koʻpayishiga qarshi ekanini bildirgan edi. Rossiya vakili ularning soni Kengashda shundoq ham yetarli degan edi.
Turkiyadan tashqari, XK kengaytirish talabi Frantsiya tomonidan ham qoʻyilmoqda. Parij, xususan Germaniya, Braziliya, Hindiston va Yaponiyani ham XKga qabul qilishni talab qilmoqda. Yaqinda AQSH prezidenti Jo Bayden ham Hinistonni XKga qabul qilish tashabbusi bilan chiqqan edi.
Maʼlumot uchun, BMT Xavfsizlik Kengashi veto huquqiga ega boʻlgan 5ta doimiy aʼzo davlatlar - Rossiya , AQSH, Buyuk Britaniya, Frantsiya va Xitoydan iborat. Undan tashqari XKga yana 10ta davlat vaqtincha (2 yil) aʼzo sifatida saylanadi. Ana shunday tartib 1945 yilda Ikkinchi Jahon urushi yakunlariga asosan SSSR va AQSH tomonidan yozilgan BMT nizomida belgilangan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala