Iqtisod

Oʻzbekiston ichki bozorida ip-kalavaga "ajiotaj" talab paydo boʻldi

© Sputnik / Dmitriy Vinogradov / Fotobankka oʻtishTekstilnыe fabriki Uztex Chirchik i Eurotex Global v Uzbekistane
Tekstilnыe fabriki Uztex Chirchik i Eurotex Global v Uzbekistane - Sputnik Oʻzbekiston, 1920, 29.10.2021
"Oʻztoʻqimachiliksanoat" uyushmasi narxlarning keskin oshishiga qarshi qabul qilgan choralari amal qilmagan holda, noyabrdan ip-kalava eksporti uchun qoʻshimcha toʻlov joriy etiladi.
TOSHKENT, 29 okt - Sputnik. Oʻzbekiston ichki bozorida sentyabr oyidan boshlab ip-kalavaga talab keskin oʻsdi, deb xabar qilmoqda "Oʻztoʻqimachiliksanoat" uyushmasi.
Xabarda aytilishiga koʻra, talab oʻsishiga jahon bozorida paxta va ip kalava narxi oshishi va turkiyalik xaridorlar tomonidan talabning ortishi sabab boʻlgan.

"2021 yil sentabr oyidan boʻyon paxta va kalava ip narxlarining jahon bozorlarida keskin oʻsishi va Oʻzbekiston ip-kalavasiga xorijiy hamkorlarning (birinchi navbatda Turkiyadan) talabi ortishi natijasida ichki bozorda ip-kalava uchun "asossiz ajiotaj" kuzatilmoqda", - deyilgan xabarda.

"Oʻztoʻqimachiliksanoat" uyushmasi mavjud vaziyatni hisobga olgan holda hamda oʻtkazilgan tahlil va maslahatlar asosida quyidagi ishlarni amalga oshirishga qaror qilgan:
haftasiga bir marta paxta tolasi va ip-kalava ishlab chiqarish hajmlari toʻgʻrisidagi maʼlumotlarni eʼlon qilish (yetkazib beruvchilar kesimida takliflar alohida beriladi);
paxta tolasi narxlarining spekulyativ oʻsishini cheklash mexanizmini joriy etish (dunyoning yetakchi xom ashyo birjalari bilan oʻxshashligiga koʻra) maqsadida uning boshlangʻich narxini Nyu-York kotirovkalari (yoki narxlar tushib ketganda paxta xom ashyosi tannarxi asosida) darajasida belgilash va uning eng yuqori narxini "Cotlook"ning "A" indeksida cheklash;
paxta tolasi, sintetik va sunʼiy tolalar, shuningdek ip-kalava importi hajmini kengaytirish;
ip-kalava isteʼmolchilarini aylanma mablagʻ bilan taʼminlash amaliyotini kengaytirish, paxtadan tayyor mahsulotgacha boʻlgan qoʻshilgan qiymat zanjiri boʻyicha QQSni qaytarish mexanizmlarini mukamallashtirish va toʻlashni kechiktirish hamda ichki bozorga sotiladigan kalava ip hajmlaridan daromadni foyda soligʻidan ozod qilish boʻyicha takliflar kiritish.
Shuningdek, yuqorida belgilangan choralar amal qilmay, ichki bozorda ip-kalava hajmi barqarorlashmagan xolda, 2021-yil noyabr oyida ip kalava eksportiga vaqtinchalik qoʻshimcha toʻlov amaliyoti joriy etiladi (korxonalar va assortimentlar kesimida).
Malumot uchun: Oʻzbekistonda oyiga oʻrtacha 71 ming tonna xar xil turdagi kalava ip ishlab chiqariladi. Shundan oʻrtacha 28 ming tonnasi ichki bozorga muntazam yetkzib berib turilmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala