Iqtisod

Oʻzbek-qirgʻiz taraqqiyot jamgʻarmasi tashkil etildi - prezident qarori

© Pravitelstvo Kыrgыzskoy RespublikiPremyer-ministr Kыrgыzstana Ulukbek Maripov pribыl s rabochey poyezdkoy v Respubliku Uzbekistan
Premyer-ministr Kыrgыzstana Ulukbek Maripov pribыl s rabochey poyezdkoy v Respubliku Uzbekistan

 - Sputnik Oʻzbekiston, 1920, 04.11.2021
Shavkat Mirziyoyev ustav kapitali 50 million dollar boʻlgan Oʻzbek-qirgʻiz taraqqiyot jamgʻarmasini tashkil etish toʻgʻrisidagi qarorni imzoladi.
TOSHKENT. 4 noya - Sputnik. Oʻzbek-qirgʻiz taraqqiyot jamgʻarmasini tashkil etish toʻgʻrisidagi bitim tasdiqlandi. Bu haqida 3 noyabr kuni imzolangan 5277-sonli prezident qarorida aytib oʻtilgan.

Shtab kvartirasi Bishkekda joylashgan Oʻzbek-qirgʻiz jamgʻarmasining nizom kapitali 50 million dollarni tashkil qiladi. Mablagʻni Oʻzbekiston kiritadi, kelgusida jamgʻarma hajmini 200 million dollargacha oshirish kutilmoqda.

Jamgʻarma tomonidan agrosanoat kompleksi; tikuvchilik va toʻqimachilik sanoati; ishlab chiqarish sanoati; kon-metallurgiya sanoati; transport; uy-joy qurilishi; savdo; tadbirkorlikni rivojlantirish; energetika kompleksi; infratuzilmani rivojlantirish; turizmni rivojlantirish sohalarida investitsiya kiritish koʻzda tutilgan.
"Ushbu fond ikki davlat orasida iqtisodiy hamkorlikni rivojlantirish katalizatori, oʻsish nuqtasi boʻladi", - degan edi Oʻzbekiston investitsiyalar va tashqi savdo vaziri Sardor Umurzakov fond tashkil qilinish vaqtida.
Prezident qarori bilan ushbu jamgʻarma uchun maʼsul etib investitsiyalar va tashqi savdo vazirligi tayinlangan.
Maʼlumot uchun, ushbu jamgʻarmani tashkil etish haqida dastlabki kelishuvlarga 2021 yilning 11 martida, Qirgʻiziston Respublikasi prezidenti Sadir Japarovning Toshkentga tashrifi vaqtida erishilgan edi.
Qirgʻiziston prezidenti Oʻzbek-qirgʻiz jamgʻarmasini tashkil etish toʻgʻrisidagi bitimni 2021 yil 18 avgust kuni ratifikatsiya qilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala