Iqtisod

Yaqin kunlarda benzin narxi barqarorlashi kutilmoqda

© Sputnik / Konstantin MixalchevskiyZapravka benzinom
Zapravka benzinom - Sputnik Oʻzbekiston, 1920, 16.11.2021
Monopoliyaga qarshi kurashish qoʻmitasi raisi oʻrinbosari benzin narxi oshishida manipulyatsiya holatlari aniqlanganini maʼlum qildi.
TOSHKENT, 16 noya – Sputnik. Oʻzbekistonda ikki hafta ichida benzin narxi oʻzgarishi kutilmoqda. Bu haqda AOKAda oʻtkazilgan matbuot anjumanida Monopoliyaga qarshi kurashish qoʻmitasi raisi oʻrinbosari Farrux Karabayev maʼlum qildi.
Uning soʻzlariga koʻra, benzin narxlariga taʼsir qiluvchi omillar oʻrganilgan. Koʻrsatmalar berilib, choralar koʻrilyapti. Bu boʻyicha idoralararo ishchi guruh ishlayapti.
Karabayevning soʻzlariga koʻra, qayerda bozor mexanizmlari asosida tabiiy oʻsishga erishilgan boʻlsa, unga taʼsir koʻrsatib boʻlmaydi. Lekin sunʼiy ravishda yuzaga keltirilgan, kelishib qilingan, manipulyatsiya harakatlariga taʼsir koʻrsatish mumkin.
“Xususan, benzin narxi oshishida ham manipulyatsiya holatlari, arzon narxdagi benzinni sunʼiy ravishda annulyatsiya qilish alomatlari aniqlandi. Bunga albatta kerakli choralar koʻriladi. Benzin narxini barqarorlashtirish, tushirish boʻyicha harakatlar davom etyapti, bu vaqt talab qiladigan masala. Lekin yaqin kunlarda narxlarda oʻzgarish boʻladi”, - dedi MQKQ raisi oʻrinbosari Farrux Karabayev.
Uning taʼkidlashicha, ayni paytda bozorni toʻyintirish, arzon narxlar asosida kichik xaridorlarga imkoniyat berish masalasiga eʼtibor qaratilyapti.
“Shuning uchun ham lotlar kichik hajmda qilinmoqda, bundan maqsad — oddiy AYOQShlarning benzinni olishi va zaxirasini toʻldirishiga imkoniyat yaratishdan iborat. Bu narxlar sunʼiy ravishda koʻtarilishining oldini olishga yordam beradi”, - deya xulosa qildi u.
Avvalroq Oʻzbekistonda 2021 yil boshidan buyon Ai-80 benzini narxi oʻrtacha 63,2 foizga oʻsgani xabar qilingan edi. Uning bir tonnasi uchun narx 5,81 million soʻmdan 10 million soʻmgacha qimmatlashgan.
Skolko benzina zakupil Uzbekistan s nachala 2021 goda - Sputnik Oʻzbekiston, 1920, 10.11.2021
Infografika
Benzin Oʻzbekistonga asosan qayerdan olib kelinmoqda
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala