Siyosat

Sobiq Toshkent viloyati hokimining yangi lavozimi maʼlum boʻldi

© Press-slujba xokimiyata Tashkentskoy oblastiDavron Xidoyatov
Davron Xidoyatov - Sputnik Oʻzbekiston, 1920, 18.11.2021
Davron Hidoyatov joriy yanvar oyidan boshlab Toshkent viloyati hokimi sifatida ishlayotgan edi.
TOSHKENT, 18 noya – Sputnik. Toshkent viloyati hokimligi majlislar zalida faollar yigʻilishi boʻlib oʻtdi. Bu haqda viloyat hokimligi axborot xizmati xabar berdi.
Yigʻilishda prezident Administratsiyasi rahbari Zaynilobiddin Nizomiddinov prezident farmoni bilan yigʻilish ishtirokchilarini tanishtirdi.
Unga koʻra, Toshkent viloyati hokimi Davron Hidoyatov lavozimidan ozod etildi.
Ayni paytga qadar Qashqadaryo viloyati hokimi lavozimida faoliyat yuritib kelgan Zoyir Mirzayev Toshkent viloyati hokimi vazifasini bajaruvchi etib tayinlandi.
Prezident matbuot kotibining maʼlum qilishicha, Davron Hidoyatov Chirchiq shahri hokimi lavozimini egallaydi.
Davron Hidoyatov joriy yanvar oyidan boshlab Toshkent viloyati hokimi sifatida ishlayotgan edi.
Davron Hidoyatov (1976 yilda tugʻilgan) — Toshkent davlat iqtisodiyot universiteti (1998 yil) va Oʻzbekiston bank-moliya akademiyasi (2001) bitiruvchisi. 1996−2004 yillarda Oʻzbekiston Markaziy banki tizimida, 2004−2005 yillarda "Osiyo-Invest Bank" (Moskva) boshqaruvi raisi lavozimida, 2005−2009 yillarda Oʻzbekiston Markaziy banki tizimida ishlagan.
2009 yildan 2012 yilgacha “GM Uzbekistan” kompaniyasining moliya boʻyicha ijrochi direktori, 2012 yildan 2014 yilgacha MAN Auto-Uzbekistan QK bosh direktori lavozimlarida xizmat qilgan.
2014−2017 yillarda Oʻzbekiston Xususiylashtirish, monopoliyadan chiqarish va raqobatni kuchaytirish davlat qoʻmitasi raisi, 2017−2018 yillarda Chilonzor tumani hokimi, 2018−2021 yillarda Toshkent shahar hokimining arxitektura, kapital qurilish va kommunikatsiyalarni rivojlantirish masalalari boʻyicha birinchi oʻrinbosari lavozimida faoliyat yuritgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala