Siyosat

Oʻzbekiston va Tojikiston Milliy gvardiyalari hamkorlikni kengaytiradi

© Press-slujba Natsgvardii Uzbekistana Ustanovleno sotrudnichestvo mejdu Natsgvardiyami Uzbekistana i Tadjikistana
Ustanovleno sotrudnichestvo mejdu Natsgvardiyami Uzbekistana i Tadjikistana - Sputnik Oʻzbekiston, 1920, 25.11.2021
Tojikiston Milliy gvardiyasi qoʻmondoni boshchiligidagi delegatsiya ilk bor Oʻzbekistonga rasmiy tashrif bilan keldi.
TOSHKENT, 25 noya – Sputnik. 24 noyabr kuni Tojikiston Milliy gvardiyasi qoʻmondoni general-leytenant Bobojon Jamolzoda boshchiligidagi delegatsiya ilk bor Oʻzbekistonga rasmiy tashrif bilan keldi. Bu haqda Oʻzbekiston Milliy gvardiyasi matbuot xizmati xabar berdi.
Milliy gvardiya markaziy devonida Milliy gvardiya qoʻmondoni, general-mayor Rustan Joʻrayev ishtirokida tantanali yigʻilish boʻlib oʻtdi. Unda qoʻmondon oʻrinbosarlari, Markaziy devon boshqarma boshliqlari, brigada komandirlari, shuningdek, Jamoat xavfsizligi universiteti hamda Ixtisoslashtirilgan oʻquv markazi rahbarlari ishtirok etdi.
Taʼkidlanishicha, uchrashuvda har ikki tomon oʻzaro hamkorlikni rivojlantirish va mustahkamlashning asosiy ustuvor masalalarini muhokama qilgan.
Yigʻilish yakunida rahbarlar 2022 yilga moʻljallangan ikki tomonlama amaliy hamkorlik rejasini imzolashdi.
Shuningdek, kadrlar tayyorlash, ularning jangovar va jismoniy tayyorgarligini oshirish boʻyicha qoʻshma tadbirlarni amalga oshirishga kelishib olishdi. Qolaversa, ular xizmat koʻrsatishning barcha sohalarida tajriba almashishadi.
Delegatsiya aʼzolari Jamoat xavfsizligi universiteti, Ixtisoslashtirilgan oʻquv markazi, Gʻalaba bogʻi hamda Milliy gvardiyaning qator boʻlinmalari bilan tanishishdi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala