Migratsiya

Rossiya 2022 yilda migrantlardan voz kechadimi?

© Pexels / Vitaly VlasovSobor Vasiliya Blajennogo
Sobor Vasiliya Blajennogo - Sputnik Oʻzbekiston, 1920, 09.12.2021
Rossiya 2022 yilda migrantlardan voz kechadimi
TOSHKENT, 9 dek — Sputnik. Moskva meriyasi qurilish maydonlarida migrantlardan butunlay voz kechish niyati haqida tobora koʻproq gapirmoqda. Bunga ishchi kuchi yetishmasligi bilan bogʻliq muammolar sabab boʻldi. Ular, oʻz navbatida, pandemiya davrida ishchilarning ommaviy ravishda mamlakatni tark etishi tufayli paydo boʻldi.
Haqiqatda ham vaziyat shundaymi va Rossiya 2022 yilda migrantlardan voz kecha oladimi? Savolga Rossiya migrantlar federatsiyasi (FMR) prezidenti Vadim Kojenov javob berdi.
Birinchi navbatda Kojenov migrantlar soni allaqachon tiklanib, pandemiyadan oldingi darajaga yetganini taʼkidladi.
“Bizda migrantlar koʻpini renovatsiya va pandemiya vaqtida kuryerlik xizmatlari oʻziga oldi, 2019 yil oxiridagi koʻrsatkich bilan hozir bir xil. Ammo taqchillik hali ham bor”, dedi Kojenov.
Mehnat migrantlarining taqchilligi kuryerlik sohasida va qurilish maydonlarida juda keskin sezilmoqda. Butun Rossiyada ishchi kuchi talab qilinadigan koʻplab infratuzilma loyihalari mavjud. Bu yerdan taqchillik yuzaga keldi.
Buni tezda qoplash imkonsiz, shuning uchun u hozircha saqlanib qoladi, deb hisoblaydi Kojenov.
Federatsiya rahbari Rossiya 2022 yilda migrantlardan voz kechish imkoniyatini baholadi.
“Qisqa muddatda agar hozir qaysidir sohadan koʻplab migrantlar olib ketilsa, bu soha jiddiy inqirozni boshidan kechiradi”, - dedi Kojenov.
Migrantlar koʻpincha ishbay asosida toʻlanadigan maosh, koʻproq pul ishlab topish mumkin boʻlgan sohalarni tanlaydi: bu qurilish yoki xizmat koʻrsatish. Masalan, taksi.

"Bizga keladigan odamlarning mehnat qobiliyati, chidamliligi juda yuqori. Ular orasida kuniga 8 soatlik ish turlarini tanlaydiganlar kam. Asosan hamma 12 soat ishlaydi, shunga yarasha yaxshi pul topadi", - dedi Kojenov.

Uning fikriga koʻra, bugungi kunda Rossiya iqtisodiyoti migrantlarga juda bogʻliq. Rasmiy maʼlumotlarga koʻra, hozir chet elliklar mamlakatning mehnatga layoqatli aholisining 10 %ni tashkil qiladi - bu juda katta koʻrsatkich.
Agar migrantlar olib tashlansa, koʻp sohalar shunchaki qulab tushadi, deb hisoblaydi Kojenov.
"Ayni paytda millionlab odamlarning hammasi halol ishlamoqda, barchasi ish bilan band. Ularning mehnati oʻz natijasi berib, jamiyatga foyda keltirayotganini anglatadi. Menimcha, ularni iqtisodiyotdan chiqarib boʻlmaydi", deya xulosa qildi migrantlar federatsiyasi rahbari.
Avvalroq Oʻzbekiston Tashqi migratsiya masalalari agentligi 2021 yil boshidan buyon 84,5 mingdan ortiq oʻzbekistonlik tashkillashtirilgan tanlov asosida Rossiyaga joʻnab ketgani haqida xabar berdi.
Rossiya hukumati 2022 yilda chet elliklar uchun ishlash uchun ruxsatnomalar berish uchun kvota 124 007 oʻrin deb belgilandi.

Pilot loyiha

Oktyabr oyi boshida Rossiya bosh vaziri Mixail Mishustin Oʻzbekistondan 10 ming mehnat migrantlarining Rossiya qurilish obʼyektlariga olib kelish boʻyicha pilot dasturini ishga tushirish haqidagi farmonni imzolagandi.
2022 yil yanvar oyi oʻrtalarigacha pilot loyihani amalga oshirish rejalashtirilgan. 21ta qurilish kompaniyasi oʻzbekistonlik mehnat migrantlari jalb qilinadi.
Shu bilan birga, ruxsatnomalar berishning ayrim tartiblari respublikaning oʻziga oʻtkazildi.
Xususan, endilikda Oʻzbekistonda migrantlarni tibbiy koʻrikdan oʻtkazish, “Sputnik Layt” bilan emlash va testdan oʻtkazish, shuningdek, Rossiyaga kirish taqiqlanganligini tekshirish amalga oshirilmoqda.
Bu protseduralar rossiyalik shifokorlar va huquqni muhofaza qilish organlari xodimlari ishtirokida amalga oshirilmoqda. Barcha xarajatlar ish beruvchi tomonidan qoplanadi.
Bu haqda yangi materiallar oʻqing:
Migrantlarning maoshi: soʻrov natijalari>>
Migrantlar muammoli vaziyatlarda qayerga murojaat qiladi?>>
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala