Iqtisod

Elektr energiyasi ishlab chiqarish quvvati 2030 yilga qadar ikki baravar oshiriladi - vazirlik

© Sputnik / Ilya Naymushin / Fotobankka oʻtishLinii elektroperedachi
Linii elektroperedachi - Sputnik Oʻzbekiston, 1920, 13.12.2021
Soʻnggi toʻrt yilda Oʻzbekiston energetika sohasiga kiritilgan investitsiyadar hajmi oldingi 26 yilga nisbatan 2,5 baravar oshgan.
TOSHKENT, 13 dek - Sputnik. Oʻzbekiston oʻz energetika tizimini jadal rivojlantirmoqda, dedi Energetika vaziri oʻrinbosari Azim Axmedxoʻjayev "bne IntelliNews" xalqaro nashriga bergan intervyusida.

Axmedxoʻjayev aytishiga koʻra Oʻzbekistonda ham aholi ham iqtisod hajmi jadal oʻsib bormoqda. Shuning uchun 2030 yilga qadar respublikada elektr ishlab chiqarish quvvatini bugungi 15 GVtdan 30 GVtga yetkazish kerak boʻladi va ulardan 25 % muqobil energiya manbaalariga toʻgʻri kelishi kerak.

Bu borada Oʻzbekiston Rossiya bilan ham faol hamkorlik qilmoqda. Xususan, "Sibur" va "Gazpromneft" kompaniyalari "Oʻzbekneftgaz" bilan hamkorlik qilish toʻgʻrida shartnomalar imzolashgan.
Undan tashqari Oʻzbekiston Rossiyaning "Rosatom" korporatsiyasi bilan Atom elektr stantsiyasi qurish haqida kelishuvga erishgan. Yaqin vaqt ichida Jizzax viloyatida ushbu loyiha qurilishi boshlanishi kutilmoqda.
Shuningdek, Turkiya, BAA kompaniyalari Oʻzbekistonning muqobil energetika sohasiga sarmoyalar kiritishgan va loyihalarni amalga oshirish boshlangan.
Energetika sohasini yanada samaraliroq rivojlantirish uchun Oʻzbekiston hukumati elektr energiyasi ishlab chiqaruvchi, yetkazib beruvchi va aholiga tarqatuvchi kompaniyalar turiga boʻlib, keng koʻlamda xususiylashtirishni rejalashtirgan. Shuningdek, 2025 yilga qadar Oʻzbekistonda elektr energiyasi ulgurji bozori yaratiladi. Bu esa sohaning samaradorligini oshirishga xizmat qiladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala