Jamiyat

Termiz vaqtinchalik emas, strategik qaror - BMT vakili

© Sputnik / StringerSituatsiya v gorodke Xayratan
Situatsiya v gorodke Xayratan - Sputnik Oʻzbekiston, 1920, 18.12.2021
BMT Afgʻoniston atrofida gumanitar yordam xablari qurmoqda. Termiz - shimol tomondan yordam joʻnatish uchun muhim strategik xab.
TOSHKENT, 18 dek - Sputnik. Oʻzbekistonning eng janubiy nuqtasi, Termiz shahri Afgʻonistonga gumanitar yordam berish uchun muhim transport-logistik nuqta deb tasdiqlandi. Bu haqida AOKAda boʻlib oʻtgan matbuot anjumanida BMT Qochoqlar ishi boʻyicha Oliy komissarining katta maslahatchisi Frank Remus maʼlum qildi.
"Biz Afgʻoniston atrofida gumanitar yordam joʻnatish xablari tashkil qilganmiz. Ana shunday xablar Eronda, Pokistonda bor. Bizga shimol tomondan xab yetishmayotgan edi. Ushbu nuqtai nazardan Termiz juda qulay joylashgan. BMT bu borada hamkorlik qilish haqida qaror qabul qildi.
Termiz bu vaqtinchalik emas, strategik, yaʼni uzoq muddatli qaror. Biz Termiz orqali hali koʻp marotaba hamkorlik qilamiz", - dedi Frank Remus.
Shuningdek, BMT vakili Termiz xabi orqali Afgʻonistonga ikkita yuk mashinasida gumanitar yordam joʻnatilganini maʼlum qildi. Ularning aksariyati oshxona idishlari va plastik qoplamalar(listlar).
Bular birinchi navbatda Afgʻonistonning ichki qochoqlari uchun moʻljallangan. Bugungi kunda u yerda oʻz uyini tashlab ketib qochoqlar lagerlarida yashayotganlar soni 3,5 millionga yaqin.

"Oldinda qish, lekin bizning Mozori Sharifdagi omborxonalarimiz boʻshab qolgan. Shu sababli biz yanvarda koʻproq yuk joʻnatishimiz kerak", - dedi Remus.

Matbuot anjumanida soʻzga chiqqan Oʻzbekiston prezidentining Afgʻoniston boʻyicha maxsus vakili Ismatilla Ergashev Oʻzbekiston BMTning Qochoqlar ishi qoʻmitasi bilan bundan 27 yil oldin Afgʻonistondan tojik qochqinlarni qutqarish vaqtida hamkorlik qilganini esga oldi.
"Oʻshanda ham Termiz Afgʻonistonga yordam xabiga aylangan edi. Termizda BMTning qochqinlar ishi qoʻmitasi va Oziq-ovqat qoʻmitasi vakolatxonasi faoliyat yuritgan edi", - dedi Ergashev.
Shuningdek, Oʻzbekiston prezidentining maxsus vakili, oldin Afgʻonistonda xizmat qilgan AQShning bir qator xarbiy qoʻmondonlari prezident Jo Baydendan Afgʻonistonning muzlatib qoʻyilgan mablagʻlarini ozod qilishni soʻrayotganini maʼlum qildi.
Eslatib oʻtamiz, Rossiya prezidenti Vladimir Putin ham 21 oktyabr kuni boʻlib oʻtgan Valday forumida soʻzlagan ochiq murojaatnomasida AQSH va Afgʻonistonda 20 yil davomida harbiy faoliyat olib borgan mamlakatlardan Afgʻonistonning muzlatib qoʻyilgan mablagʻlarini erkinlashtirishni soʻragan edi. "Afgʻon xalqiga oʻz ijtimoiy-iqtisodiy muammolarini hal qilishga imkon bering", degan edi Rossiya prezidenti.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala